Zekaria 2:12 - An Bibel Kernewek 20234 (Kernewek Kemmyn)

¹² An Arloedh a wra erita Yuda avel y rann y'n tir sans hag ev a dhewis Yerusalem arta.

Zekaria 2:12 Iomraidhean Croise

2 Kroniklys 6:6

mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

Ester 6:13

Ha Haman a dherivas orth Zeresh y wreg hag oll y gowetha pup-tra re hwarvia dhodho. Yn-medh y dus skentel ha Zeresh y wreg dhodho, ‘Mordekay, may tallathas dha derroes a-ragdho, yw a has an Yedhewon; ny wre'ta prevaylya er y bynn, mes koedha a wredh a-ragdho yn surredi.’

Salmow 105:15

‘Na dochyewgh an re untys genev, ha na bystigewgh ow frofoesi.’

Salmow 132:13

Rag an Arloedh re dhewisas Sion, ev re yeunis war hy lergh dhe vos trigva dhodho:

Salmow 132:14

‘Hemma a vydh ow fowesva bynitha; omma y trigav, rag my re yeunis war hy lergh.

Salmow 135:4

Rag an Arloedh re dhewisas Yakob dhodho y honan, hag Ysrael avel y berghennogeth arbennik y honan.

Salmow 33:12

Gwynnvys an genedhel hag yw an Arloedh hy Duw, an bobel dewisys ganso dhe vos y ertach y honan.

Salmow 82:8

Sav, A Dhuw, breus an nor; rag ty a erit an kenedhlow oll.

Ysay 14:1

Rag an Arloedh a gemmer truedh a Yakob, ha dewis Ysrael arta, ha ri powes dhedha war aga thiredh. Alyons a jun gansa, ha glena orth chi Yakob.

Ysay 17:14

Gorthugherweyth, awotta euth tromm! Kyns myttin gyllys yns. Hemm yw tenkys an re a'gan raven, ha kevrenn an re a'gan pyll.

Ysay 41:9

ty neb a gemmeris vy a bennow an norvys, ha'th helwel a'y bella sornow, ow leverel dhis, ‘Ty yw ow gwas, my re'th tewisas ha ny'th tewlis dhe-ves’;

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 30:16

Ytho oll an re a'th tevor a vydh devorys, ha'th eskerens, peub anedha a wra mos yn divroedh; an re a'th pyll a vydh pyllys, hag oll an re a breydh warnas my a wra preydh.

Yeremia 51:19

Nyns yw rann Yakob avella, rag ev yw Gwrier pup-tra, hag Ysrael yw loeth y eretons; Arloedh an luyow yw y hanow.

Zekaria 1:17

Kri arta ow leverel, Yndellma y lever Arloedh an luyow: Ow sitys a wra fenna arta gans dader, ha'n Arloedh a wra konfortya Sion arta, hag arta ev a dhewis Yerusalem.

Zekaria 3:2

An Arloedh a leveris dhe Satnas, ‘An Arloedh re'th kerettho, Satnas! An Arloedh, usi ow tewis Yerusalem, re'th kerettho! A nyns yw hemma yttew tennys mes a'n tan?’

Dewteronomi 32:10

Ev a'n kavas yn tir ynyal, hag yn gwylvos a dhifeythtir gwynsek, orth y gyrghynna, y gara, y witha avel bew y lagas.

Dewteronomi 32:9

Rag rann an Arloedh yw y bobel; Yakob yw kevrenn y eretons.