Zekaria 2:10 - An Bibel Kernewek 20234 (Kernewek Kemmyn)

¹⁰ Kan ha lowenha, A Vyrgh Sion, rag awotta, yth esov vy ow tos, ha my a wra triga y'th fysk, yn-medh an Arloedh.

Zekaria 2:10 Iomraidhean Croise

Salmow 40:7

Ena y leveris, ‘Otta, devedhys ov; yn rol an lyver yw skrifys ahanav.’

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Eksodus 29:45

Ha my a drig yn mysk mebyon Ysrael, ha my a vydh aga Duw.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 37:22

hemm yw an ger re gewsis an Arloedh er y bynn: ‘Hi a'th tispres, hi a'th skorn – an wyrghes, myrgh Sion; myrgh Yerusalem re shakyas hy fenn war dha lergh.

Ysay 42:10

Kenewgh dhe'n Arloedh kan nowydh, y wormola dhiworth penn an norvys! Tarannes an mor ha pup-tra eus ynno, an arvoryow ha'ga thrigoryon.

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Ysay 52:11

Treylyewgh, treylyewgh, dewgh yn-mes alena, na dochyewgh tra avlan. Dewgh yn-mes anodho ha bedhewgh glan, hwi neb a dheg lestri an Arloedh.

Ysay 54:1

Kan yn lowen, A anvap na omdhuk; kri gans joy ha garm, ty neb na veu yn lavur! Rag mebyon an venyn anvap a vydh moy ages mebyon an venyn may ma dhedhi gour, yn-medh an Arloedh.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Yeremia 30:19

Hag yn-mes anedha y teu grasyans ha lev an re a lowenha. My a's liesha, ha ny vydhons boghes; my a's enor, ha ny vydhons iselhes.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Ezekiel 37:27

Ow thrigva a vydh gansa; my a vydh aga Duw, hag i a vydh ow fobel.

Ezekiel 48:35

An kompas yw etek mil. Ha hanow an sita a-dhia'n jydh na a vydh: Yma an Arloedh Ena.

Levitikus 26:12

Ha my a gerdh yn agas mysk ha bos agas Duw, ha hwi a vydh ow fobel.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Zekaria 1:16

Ytho yndellma y lever an Arloedh: My a wra dehweles dhe Yerusalem gans truedh, hag ena ow chi a vydh dastrehevys, yn-medh Arloedh an luyow, ha'n gordenn-vusura a vydh ystynnys dres Yerusalem.

Zekaria 14:5

Hwi a wra fia dre nans ow menydhyow; rag nans an menydhyow a dhrehedh bys Asal. Hwi a wra fia dhe'n fo kepar dell fisowgh a-rag an dorgrys yn dydhyow Uzzia myghtern Yuda. Ena an Arloedh ow Duw a dheu, hag oll an syns genes.

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Zekaria 2:5

My a vydh fos tan a-dro, yn-medh an Arloedh, ha my a vydh golewder a-bervedh ynni.’

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Malaki 3:1

Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 14:23

Yesu a worthybis ha leverel dhodho, ‘Piwpynag a'm karro a with ow geryow, ha'm Tas a'n karvydh, ha ni a dheu dhodho ha gul agan trigva ynno.

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

Diskwedhyans 2:1

‘Dhe el an eglos yn Efesus skrif: Neb a syns an seyth sterenn yn y dhorn dhyghow ha kerdhes yn mysk an seyth kantoler owrek a lever an taklow ma:

Diskwedhyans 21:3

Ha my a glewas lev bras yn-mes a'n tron ow leverel, ‘Otta, yma tabernakel Duw gans mab-den, hag ev a drig gansa, hag i a vydh y bobel, ha Duw y honan a vydh gansa.