Zekaria 14:2 - An Bibel Kernewek 20234 (Kernewek Kemmyn)

² My a wra kuntell oll an kenedhlow erbynn Yerusalem rag kas; ha'n sita a vydh kemmerys, ha'n chiow pyllys, ha'n benynes defolys. Hanter an sita a dheu yn divroedh, mes an remenant ny vydh treghys dhe-ves dhiworth an sita.

Zekaria 14:2 Iomraidhean Croise

Ysay 13:16

Aga fleghes a vydh hakkys dhe demmyn a-rag aga dewlagas; aga chiow a vydh ravnys ha'ga gwragedh defolys.

Ysay 4:3

Ev neb a vydh gesys yn Sion, neb a worta yn Yerusalem, a vydh henwys sans, pubonan neb a veu skrifys rag bewnans yn Yerusalem,

Ysay 5:26

Ev a dhrehav baner rag kenedhlow a-bell, ha hwibana dhedha dhiworth pennow an bys. Awotta ev a dheu, uskis, gans toeth bras!

Ysay 65:18

Mes lowenhewgh ha bedhewgh heudhik bys vykken y'n pyth a wrav y greatya; rag awottavy ow kreatya Yerusalem dhe vos joy, ha'y fobel heudhder.

Yeremia 21:4

Yndellma y lever an Arloedh, Duw Ysrael: My a dreyl an arvow bresel usi yn agas diwdhorn, gansa mayth omledhewgh erbynn myghtern Babylon, hag erbynn an Kaldeanys, a wra esedhva warnowgh a-ves dhe'n fosow, ha my a's kuntell yn kres an sita ma.

Yeremia 34:1

An ger hag a dheuth dhe Yeremia a-dhiworth an Arloedh, pan esa Nebukadnessar myghtern Babylon hag oll y lu hag oll gwlaskordhow an bys a'y vestrynses, hag oll an poblow, owth omladh erbynn Yerusalem, hag erbynn oll hy sitys, ow leverel:

Kynvannow 1:10

An eskar re ystynnas y dhorn war oll hy fythow drudh; rag hi re welas an kenedhlow dhe entra yn hy thyller sans, an re a dhifennsys jy orta mayth entrons y'th kuntelles.

Ezekiel 5:8

rakhenna yndellma y lever an Arloedh Duw: Mir, my ow honan, yth esov er dha bynn, ha my a wra breusow a-berth ynnos a-wel dhe'n kenedhlow.

Yoel 3:2

my a guntell oll an kenedhlow ha'ga hembronk dhe nans Yehoshafat, ha mos yn breus gansa ena, a-barth ow fobel ha'm ertach Ysrael, drefenn i dh'aga skattra yn mysk an kenedhlow ha ranna ow thir.

Yoel 3:9

Deklaryewgh hemma yn mysk an kenedhlow: pareusewgh rag bresel sans, gwrewgh dhe'n vreselyoryon difuna. Des oll an soudoryon yn-rag, i yn-bann.

Amos 7:17

Rakhenna an Arloedh a lever hemma: Hora vydh dha wreg y'n sita ha'th vebyon ha'th vyrghes a goedh gans an kledha; ha'th tir a vydh rynnys der an gordenn; ty dha honan a verow yn tir avlan, ha divres vydh Ysrael yn sur a-dhiwar y dhor.’

Zekaria 12:2

Awotta my a wra Yerusalem hanaf a benn-dro rag oll an poblow y'n kyrghynn; ha rag Yuda ynwedh, pan vydh Yerusalem kes a-derdro.

Zekaria 12:3

Y'n jydh na my a wra Yerusalem karrek veghus rag oll an poblow. Myns yw beghys gensi a vydh skwardys yn sevur, pan omguntell oll kenedhlow an norvys er hy fynn.

Zekaria 12:9

Y'n jydh na my a hwila kowldhistrui oll an kenedhlow a dheu erbynn Yerusalem.

Matthew 22:7

Ha'n myghtern a sorras hag a dhannvonas y luyow dhe dhiswul an dhenledhysi na hag a loskas aga sita.

Mark 13:14

‘Mes pan welowgh pyth kasadow an difeythter ow sevel le na dhegoedh dhodho (gwres an redyer konvedhes), ena fies dhe'n menydhyow an re usi yn Yudi;

Mark 13:19

rag y'n dydhyow na y fydh anken dell na veu a dhalleth an kreasyon a wrug Duw y wruthyl, bys lemmyn, na nevra ny vydh.

Luk 2:1

Hag y hwarva y'n dydhyow na, y feu ordenans dyllys dhiworth Sesar Awgustus, oll an bys dhe vos kovskrifys.