Zekaria 13:9 - An Bibel Kernewek 20234 (Kernewek Kemmyn)

⁹ My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Zekaria 13:9 Iomraidhean Croise

2 Samuel 7:24

Ha ty a fastyas dha bobel Ysrael ragos dha honan dhe vos dha bobel bys vykken; ha ty, A Arloedh, eth ha bos aga Duw.

Job 23:10

Mes ev a aswonn ow fordh vy; mara'm proffa, gylsen vy yn-mes kepar hag owr.

Job 28:1

‘Yma bal rag arghans, ha tyller may ma owr purhes.

Salmow 144:15

Gwynnvys an bobel yn studh a'n par na; devri, gwynnvys an bobel ha dhedhi an Arloedh avel aga Duw.

Salmow 43:4

Ena yth av vy dhe alter Duw, dhe Dhuw joy ow lowender; ha war an sowtri my a'th wormel, A Dhuw, ow Duw.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Lavarow Koth 17:3

An teudhlester yw rag arghans, ha'n forn yw rag owr, mes an Arloedh a brev kolonnow.

An Gan a Ganow 2:16

Ow haradow yw dhymmo vy, ha dhodho ev yth ov vy, ev a besk yn mysk an lili.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Ysay 48:10

Mir, my re'th purhas, a-der avel arghans; my re'th provas y'n forn a alar.

Ysay 58:9

Ena ty a elow, ha'n Arloedh a worthyp; ty a gri rag gweres hag ev a lever, Awotta vy. Mar kemmerydh dhe-ves an yew a dhiworthis, ystynnans an bys, ha kows spitus;

Yeremia 24:5

Yndellma y lever an Arloedh, Duw Ysrael: Avel an figys da ma, yndella my a aswonn an dhivresow a Yuda, hag a dhannvenis yn-mes a'n tyller ma dhe bow an Kaldeanys rag aga les.

Yeremia 30:22

Ha hwi a vydh ow fobel, ha my a vydh agas Duw.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Yeremia 32:38

I a vydh ow fobel, ha my a vydh aga Duw.

Yeremia 9:6

Hys-ha-hys toell war doell, i a nagh ow aswonn, yn-medh an Arloedh.

Ezekiel 11:20

rag may kerthons y'm ordenansow ha gwitha ow breusow ha'ga gul. Ena i a vydh ow fobel, ha my a vydh aga Duw.

Ezekiel 14:11

rag na wrello chi Ysrael gwandra arta dhiworthiv, na omdhefola arta der oll aga threuspassow. I a vydh ow fobel, ha my a vydh aga Duw, yn-medh an Arloedh Duw.

Ezekiel 20:38

My a garth yn-mes ahanowgh an re usi ow rebellya hag offendya er ow fynn. My a's dre yn-mes dhiworth an pow mayth esons ow kodriga ynno; ny entrons a-berth yn pow Ysrael. Ena hwi a woer my dhe vos an Arloedh.

Ezekiel 36:28

Hwi a drig y'n tir a res vy dh'agas tasow; hwi a vydh ow fobel, ha my a vydh agas Duw.

Ezekiel 37:27

Ow thrigva a vydh gansa; my a vydh aga Duw, hag i a vydh ow fobel.

Daniel 11:35

Darn a'n re fur a drebuch, rag may fons prevys, purhes ha kannyes, bys yn prys an diwedh, rag hemm yw hwath rag an prysweyth ordenys.

Daniel 12:10

Lies a vydh purhes, ha kannyes, ha prevys, mes an debeles a bes ow kul drog. Nagonan a'n debeles ny gonvedh; mes an re fur a gonvedh.

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Levitikus 26:12

Ha my a gerdh yn agas mysk ha bos agas Duw, ha hwi a vydh ow fobel.

Zekaria 10:6

My a wra nertha chi Yuda ha selwel chi Yosep. My a wra aga restorya, rag my a gemmer truedh anedha. I a vydh kepar ha pan na wrugavy aga skonya; rag yth ov vy an Arloedh aga Duw, ha my a wra aga gorthybi.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Zekaria 8:8

My a wra aga dri, hag i a drig a-bervedh yn Yerusalem; i a vydh ow fobel, ha my a vydh aga Duw yn gwirder hag ewnder.

Oberow 2:21

hag ena myns a gri war hanow an Arloedh a vydh selwys.”

Ebrowyon 8:10

Hemm yw an kevambos hag a wrav gans chi Ysrael wosa an dydhyow na, yn-medh an Arloedh; my a worr ow laghow yn aga brys, ha'ga skrifa war aga holonn, ha my a vydh aga Duw, hag i a vydh ow fobel.

Jamys 1:12

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

1 Peder 4:12

Karadowyon, na vedhewgh sowdhenys a'n prevyans gans tan usi genowgh rag agas previ, kepar ha pan ve neppyth ankoth ow koedha warnowgh.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.

Diskwedhyans 8:10

Ha'n tressa el a hwythas, ha sterenn vras a goedhas a'n nev ow leski kepar ha faglenn, ha hi a goedhas war an tressa rann a'n avonyow, ha war an fentynyow a dhowrow.

Diskwedhyans 8:11

Ha hanow an sterenn yw fuelenn, ha'n tressa rann a'n dowrow eth ha bos fuelenn, ha lies den a verwis drefenn an dowrow, rag aga bos gwrys hwerow.

Diskwedhyans 8:12

Ha'n peswora el a hwythas hag y feu an tressa rann a'n howl gweskys, ha'n tressa rann a'n loer ha'n tressa rann a'n ster, may feu an tressa rann anedha tewlhes ha ny omdhiskwedhas an jydh rag an tressa rann anodho, ha'n nos kekeffrys.

Diskwedhyans 8:7

Ha'n kynsa a hwythas hag y siwyas keser ha tan kemmyskys gans goes hag a veu tewlys dhe'n dor, ha'n tressa rann a'n norvys a veu leskys, ha'n tressa rann a'n gwydh a veu leskys hag oll an gwyrwels a veu leskys.

Diskwedhyans 8:8

Ha'n nessa el a hwythas, hag y feu tewlys y'n mor kepar ha pan ve menydh meur ow leski gans tan; ha'n tressa rann a'n mor eth ha bos goes;

Diskwedhyans 8:9

ha'n tressa rann a'n kreaturs esa y'n mor, ha bewnans gansa, a verwis, ha'n tressa rann a'n gorholyon a veu distruys.