Zekaria 13:8 - An Bibel Kernewek 20234 (Kernewek Kemmyn)

⁸ Yn oll an tir, yn-medh an Arloedh, diw rann a vydh treghys dhe-ves hag y ferwons; mes an tressa a vydh gesys ynno.

Zekaria 13:8 Iomraidhean Croise

Ysay 6:13

Ha kyn fo an degves rann gesys ynno, y fydh leskys arta, kepar ha terebinthenn po derwenn a as kyf pan yw treghys dhe'n dor.’ An has sans yw hy hyf.

Ysay 66:24

Hag i a wra mos yn-mes ha mires orth korfow an dus a rebellyas er ow fynn, rag ny verow aga fryv ha'ga than ny vydh difeudhys, hag y fydhons kasadow dhe bub kig oll.

Yeremia 30:11

Rag yth esov genes, yn-medh an Arloedh, dhe'th selwel; my a wra leun dhiwedh dhe'n kenedhlow oll le ma'th skattris, mes ny wrav leun dhiwedh ahanas. My a'th keredh yn musur ewn, ha ny'th asav yn tien ankessydhys.

Ezekiel 20:38

My a garth yn-mes ahanowgh an re usi ow rebellya hag offendya er ow fynn. My a's dre yn-mes dhiworth an pow mayth esons ow kodriga ynno; ny entrons a-berth yn pow Ysrael. Ena hwi a woer my dhe vos an Arloedh.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Daniel 9:27

Ha fastya ambos a wra ev gans lies der unn seythun; mes yn kres an seythun na y hwra ev dhe sakrifis hag offrynn hedhi; hag y'n tempel y fydh pyth kasadow an difeythter bys may fo an diwedh ordenys diverys war an distruer.’

Amos 9:10

Oll peghadoryon ow fobel a verow gans an kledha, neb a lever, ‘Drog ny dheu nes dhyn, na ny dhrehedh dhyn.’

Sefania 3:12

My a as ynwedh a-berth ynnos pobel boghosek ha gwann, hag i a hwila skovva yn hanow an Arloedh.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Matthew 22:7

Ha'n myghtern a sorras hag a dhannvonas y luyow dhe dhiswul an dhenledhysi na hag a loskas aga sita.

Mark 13:20

Ha'n Arloedh mar ny wrella kott an dydhyow, ny via sawys kig vyth; mes a-barth an re dhewisys, neb a dhewisas ev, ev a wrug kott an dydhyow.

Diskwedhyans 16:19

Ha'n sita vras a veu rynnys yn teyr rann, ha'n sitys a'n kenedhlow a goedhas: ha Babylon vras a veu kovhes a-dherag Duw, dhe ri dhedhi hanaf an gwin a gonnar y sorr.