Zekaria 13:7 - An Bibel Kernewek 20234 (Kernewek Kemmyn)

⁷ ‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Zekaria 13:7 Iomraidhean Croise

Salmow 2:2

Myghternedh an norvys a sev, ha'n rewloryon a omgusul war-barth, erbynn an Arloedh hag erbynn y Untys:

Ysay 1:25

My a dreyl ow leuv er dha bynn; my a burj dhe-ves dha blosedhes kepar ha gans lisiw, ha kemmeres yn-mes oll dha atal.

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 47:6

A, kledha an Arloedh, pes termyn y fydh bys pan vi kosel? Dehwel y'th woen, powes ha bydh kosel.

Ezekiel 21:28

Ha ti, A vab den, profoes ha lavar, Yndellma y lever an Arloedh Duw a-dro dhe vebyon Ammon hag a-dro dh'aga heredh; lavar: Kledha, kledha, tennys rag ladhva, rutys splann dhe gonsumya, dhe lughesi!

Ezekiel 21:3

ha lavar dhe diredh Ysrael, Yndellma y lever an Arloedh: Awottavy er dha bynn; my a denn ow kledha dhiworth y woen ha treghi dhiworthis an den gwiryon ha'n tebelwas.

Ezekiel 37:24

Ow gwas Davydh a vydh myghtern warnedha, hag y fydh unn bugel dhedha i oll. I a gerdh war-lergh ow breusow, ha gwaytyas gwitha ow ordenansow.

Ezekiel 7:6

Diwedh re dheuth, re dheuth an diwedh ha difuna er dha bynn; otta re dheuth!

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Mika 5:4

Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.

Zekaria 11:11

Ev a veu dileys y'n jydh na, ha boghosogyon an flokk, neb esa ow mires orthiv, a wodhva hemma dhe vos ger an Arloedh.

Zekaria 11:4

Yndellma y lever an Arloedh ow Duw: Pesk an flokk rag an ladhva.

Zekaria 11:7

Ytho my a beskis an flokk rag an ladhva, ynwedh boghosogyon an flokk. My a gemmeras diw vagel ha my a henwis an eyl Hwekter ha'y ben Kolmow, ha my a beskis an flokk.

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Matthew 10:42

Ha piwpynag a rollo unnweyth hanafas a dhowr yeyn dhe eva dhe onan a'n re vyghan ma, yn hanow dyskybel, yn hwir y lavarav dhywgh, kammenn ny gyll ev y wober.’

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Matthew 18:10

‘Gwaytyewgh na wryllowgh dispresya onan a'n re vyghan ma; rag yn-medhav dhywgh bos aga eledh y'n nevow pup-prys ow mires war fas ow Thas eus y'n nevow.

Matthew 18:14

Yn kettellma nyns yw bodh agas Tas y'n nevow bos onan a'n re vyghan ma kellys.

Matthew 26:31

Ena yn-medh Yesu dhedha, ‘Oll hwi a vydh sklandrys ahanav vy y'n nos ma, rag skrifys yw, “My a wra gweskel an bugel ha deves an flokk a vydh skattrys.”

Matthew 26:56

Mes oll hemma yw hwarvedhys may fo kollenwys skrifow an brofoesi.’ Ena oll an dhyskyblon a'n gasas ha fia dhe'n fo.

Mark 14:27

Ha Yesu a leveris dhedha, ‘Hwi oll a vydh sklandrys ahanav y'n nos ma, rag yma skrifys “My a wra gweskel an bugel ha'n deves a vydh skattrys.”

Mark 14:50

Hag i a'n gasas kettep onan, hag a fias dhe'n fo.

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

Luk 17:2

Gwell via ragdho men-melin dhe vos gorrys a-dro dh'y gonna hag ev dhe vos tewlys y'n mor, kyns ev dhe wul onan a'n re vyghan ma dhe drebuchya.

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Yowann 10:30

My ha'm Tas yw onan.’

Yowann 10:38

Mes mar kwrav, kyn na wrewgh krysi dhymm, krysewgh an oberow, rag may hwryllowgh godhvos ha krysi an Tas dhe vos ynnov vy, ha my y'n Tas.’

Yowann 14:1

‘Na vedhes troblys agas kolonn; hwi a grys yn Duw, krysewgh ynwedh ynnov vy.

Yowann 14:23

Yesu a worthybis ha leverel dhodho, ‘Piwpynag a'm karro a with ow geryow, ha'm Tas a'n karvydh, ha ni a dheu dhodho ha gul agan trigva ynno.

Yowann 16:15

Pup-tra a'n jeves an Tas yw dhymm; rakhenna y leveris vy, y hwra ev kemmeres dhiworth an pyth yw dhymm ha'y dherivas dhywgh.

Yowann 16:32

Otta, termyn a dheu, ha re dheuth, pan vydhowgh skattrys, peub dh'y dre, ha'm gasa ow honan; mes nyns ov vy ow honan, rag bos an Tas genev.

Yowann 5:23

may hwrello peub enora an Mab, kepar dell enorons an Tas. Neb na enor an Mab ny enor an Tas neb a'n dannvonas.

Yowann 8:58

Yn-medh Yesu dhedha, ‘Yn hwir, yn hwir y lavarav dhywgh, kyns Abraham dhe vos, yth esov vy.’

Oberow 2:23

an keth hemma, daskorrys herwydh towl fyrv ha ragwodhvos Duw, hwi a'n kemmeras, dre dhiwla tus a-ves dhe'n lagha, ha'y ladha, orth y fastya y'n grows,

Romanyon 4:25

neb a veu res dhe'n mernans drefenn agan drogoberow ha drehevys rag may fen ni kevys ewn.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

Filippianys 2:6

kyn feu yn furv Duw, ny dybis bos par dhe Dhuw avel neppyth dhe sesya,

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Peder 5:4

ha pan omdhiskwa an penn-bugel, hwi a wra degemmeres an gurun a splannder na wedher.

1 Yowann 2:2

Hag ev yw dehwelyans rag agan peghosow: ha nyns yw unnsel rag agan peghosow ni, mes ynwedh rag peghosow an bys oll.

Diskwedhyans 1:11

ow leverel, ‘An pyth a welydh skrif yn rol-skrifa, ha dannvon dhe'n seyth eglos, dhe Efesus, ha dhe Smyrna, ha dhe Pergamum, ha dhe Thyatira ha dhe Sardis, ha dhe Filadelfia, ha dhe Laodikea.’

Diskwedhyans 1:17

Ha pan y'n gwelis, my a goedhas orth y dreys kepar ha pan ven marow. Hag ev a worras y dhorn dhyghow warnav, ow leverel, ‘Na borth own. My yw an kynsa ha'n diwettha,

Diskwedhyans 1:8

‘My yw an Alfa ha'n Omega’, yn-medh an Arloedh Duw, neb yw, ha neb o, ha neb a dheu, an Ollgalloesek.

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.