Zekaria 13:2 - An Bibel Kernewek 20234 (Kernewek Kemmyn)

² Y'n jydh na, yn-medh Arloedh an luyow, my a wra dilea henwyn an imajys dhiworth an tir, ha ny vydhons kovhes byth moy; ynwedh my a wra gorra dhe-ves a'n tir an brofoesi ha'n spyrys avlan.

Zekaria 13:2 Iomraidhean Croise

1 Myghternedh 22:22

“Fatell?” an Arloedh a wovynnas orto. Ev a worthybis, “Yth av yn-mes, ha my a vydh spyrys gowek yn ganow oll y brofoesi.” Ena an Arloedh a leveris, “Ty a'n dyn, ha ty a sewen; ke yn-rag ha'y wul.”

Salmow 16:4

Aga galarow a voghha, seul a fysk war-lergh duw arall; ny offrynnav goes aga offrynnow-diwes, ha ny gemmerav aga henwyn y'm diwweus.

Eksodus 22:13

Mar pydh skwardys gans bestes, gas ev dh'y dhri yn dustuni; ny wra daskorrans rag an pyth re beu skwardys.

Eksodus 23:13

Koelewgh orth an pyth oll re leveris dhywgh; ha na elwewgh war henwyn duwow erell, na na esewgh i dhe vos klewys a'gas ganow.

Ysay 2:18

An idolys a dremen glan dhe-ves.

Ysay 2:20

Y'n jydh na den a dewl y idolys a arghans ha'y idolys a owr, an pyth a wrug pubonan dhodho y honan dhe wordhya, dhe'n godhow ha dhe'n ughsommyses,

Yeremia 29:23

drefenn i dhe wul bileni yn Ysrael ha gul avoutri gans gwragedh aga hentrevogyon, ha kewsel y'm hanow vy geryow gowek na worhemmynnis dhedha; my yw ev neb a woer hag a dheg dustuni, yn-medh an Arloedh.

Ezekiel 12:24

Rag ny vydh arta fals welesigeth vytholl na fella, na fekyl dhewinieth yn mysk chi Ysrael.

Ezekiel 13:23

rakhenna ny welowgh gwelesigethow koeg na gul dewinieth na fella. My a saw ow fobel dhiworth agas leuv. Ena hwi a woer my dhe vos an Arloedh.

Ezekiel 14:9

Mars yw an profoes dynys dhe gewsel ger, yth yw my, an Arloedh, neb re dhynyas an profoes na, ha my a ystynn ow leuv er y bynn ha'y dhistrui a-dhiworth ow fobel Ysrael.

Ezekiel 30:13

Yndellma y lever an Arloedh Duw: My a dhistru idolys ha ri diwedh dhe'n imajys yn Nof. Ny vydh na fella pennsevik yn pow Ejyp; ha my a worr own yn pow Ejyp.

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Ezekiel 36:29

My agas saw dhiworth oll agas avlander. My a elow dhe'n ys ha'y voghhe, ha ny worrav divoetter warnowgh.

Ezekiel 37:23

Ny omdhefolons nevra namoy gans aga idolys, na gans aga thaklow kasadow, na gans oll aga threuspassow. My a's saw dhiworth oll aga gwriansow dislel may peghsons ynna, ha'ga glanhe. Ena i a vydh ow fobel, ha my a vydh aga Duw.

Ezekiel 43:7

Yn-medh ev dhymm: Mab den, hemm yw tyller ow thron ha tyller godhnow ow threys may trigav ena yn mysk mebyon Ysrael bys vykken. Ny wra chi Ysrael defola ow hanow sans, naneyl i na'ga myghternedh, gans aga horyans, ha gans peulveyn aga myghternedh wosa i dhe verwel.

Ezekiel 6:6

Yn oll agas annedhow an sitys a vydh difeythys; agas tylleryow ughel a vydh distruys, may fydh agas idolys terrys ha diswrys, agas alteryow ynkys treghys dhe'n dor, ha'gas oberow defendys dhe-ves.

Hosea 14:8

A Efraym, pandr'yw imajys hwath dhymmo vy? My a worthyp dhodho, ha'y witha. My yw avel merywenn las; dha frut a dheu a-dhiworthiv.

Hosea 2:17

My a gemmer henwyn an Baalim yn-mes a'y ganow, ha ny vydhons nevra kovhes orth aga henwyn.

Hosea 2:19

My a wra ambosa dhe'th temmedhi bys vynitha; my a wra ambosa dhe'th temmedhi yn ewnder ha gwirvreus, yn tregeredh hag yn truedh.

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Sefania 2:11

Euthyk vydh an Arloedh dhedha: rag ev a danowha oll duwow an norvys ha tus a'n gordh, peub dhiworth y le, oll ynysow an kenedhlow.

Matthew 12:43

‘Peskweyth mayth ello spyrys avlan yn-mes a dhen, ev a dremen dre dylleryow sygh ow hwilas powesva ha ny's kyv.

Matthew 7:15

‘Bedhewgh war a fals profoesi, neb a dheu dhywgh yn gwisk deves, mes war-ji yth yns i bleydhi ow ravna.

Luk 11:20

Mes mars yw dre vys Duw y towlav dywolow mes, ytho gwlaskor Duw yw devedhys warnowgh.

Dewteronomi 12:3

Terrewgh aga alteryow dhe'n dor, ha brewi aga feulveyn, ha leski aga Asherim gans tan; treghewgh dhe'n dor imajys gravys aga duwow, ha distrui aga hanow dhiworth an tyller na.

Dewteronomi 18:20

Byttegyns an profoes neb a lavas kewsel geryow y'm hanow na worhemmynnis dhodho aga hewsel, po neb a gews yn hanow duwow erell, an profoes na a verow.’

Yoshua 23:7

Na gowethyewgh gans an kenedhlow ma yw gesys yn agas mysk, na elwewgh war henwyn aga duwow, na wrewgh tiow, na wregh aga servya ha na omblegyewgh dhedha,

Diskwedhyans 18:2

Hag ev a armas, nerthek y lev, ow leverel, ‘Koedhys, koedhys yw Babylon vras, ha devedhys yw trigva dywolow ha menowghva pub spyrys avlan, ha menowghva pub edhen avlan, ha menowghva pub best avlan ha kasadow.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.