Zekaria 12:7 - An Bibel Kernewek 20234 (Kernewek Kemmyn)

⁷ An Arloedh a wra sawya tyldow Yuda wostalleth, rag na vo enor chi Davydh ha trigoryon Yerusalem brassa ages Yuda.

Zekaria 12:7 Iomraidhean Croise

Job 19:5

Ha hwath mar moghhowgh agas honan er ow fynn, ha pledya ow meth er ow fynn;

Salmow 35:26

Perthens i meth ha bedhens i shyndys war-barth neb a lowenha y'm happ drog; bedhens i gwiskys yn meth ha despit neb a voghha aga honan er ow fynn.

Salmow 38:16

Rag my a leveris, ‘Na lowenhens i er ow fynn, na vostyens warnav pan drebuch ow throes.’

Salmow 55:12

Rag ny veu eskar neb a'm skornyas; mara pe, my a'n porthsa; ha nyns o an den a'm kasas neb a'm despityas; mara pe, my a omgudhsa ragdho;

Ysay 23:9

Arloedh an luyow a'n kusulyas, rag uvelhe goeth an splannder oll, ha rag shamya oll an re enorys a'n nor.

Yeremia 30:18

Yndellma y lever an Arloedh: Otta, my a dreyl kethneth tyldow Yakob, ha kemmeres tregeredh war y annedhow; ha'n sita a vydh drehevys war y grug, ha'n palys a sev yn y le ewn.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Zekaria 11:11

Ev a veu dileys y'n jydh na, ha boghosogyon an flokk, neb esa ow mires orthiv, a wodhva hemma dhe vos ger an Arloedh.

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Luk 10:21

Y'n eur na, ev a veu pur heudhik y'n Spyrys Sans ha leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek, ha'ga diskudha dhe fleghesigow; ya, A Das, rag yndella re beu dha vodh.

Romanyon 3:27

Ytho ple'ma agan bostya? Eskes yw. Drefenn py lagha? Lagha an oberow? Na, drefenn lagha fydh.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

Jamys 4:6

Mes brassa gras y re ev; rakhenna y lever, ‘Duw a sev erbynn tus woethus, mes dhe dus uvel ev a re ras.’