Zekaria 12:5 - An Bibel Kernewek 20234 (Kernewek Kemmyn)

⁵ Ena kordhow Yuda a lever yn aga holonn, ‘Trigoryon Yerusalem yw nerth dhymm, der Arloedh an luyow aga Duw.’

Zekaria 12:5 Iomraidhean Croise

Salmow 144:1

Benniges re bo an Arloedh ow harrek, neb a dhysk dhe'm diwleuv gwerrya, ha dhe'm bysies omladh;

Salmow 18:32

an Duw neb a worr grogys a nerth a-dro dhymm, hag ev re wrug ow fordh divlam.

Salmow 18:39

Rag ty re worras grogys a nerth a-dro dhymm rag an gas; ty re worras yn-dannov an re a sevis er ow fynn.

Salmow 46:1

Duw yw agan skovva ha'gan nerth, gweres yn anken na fyll nevra.

Ysay 1:10

Klewewgh ger an Arloedh, hwi rewloryon Sodom; goslowewgh orth lagha agan Duw, pobel Gomorra.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 1:26

My a wra restorya dha vreusysi kepar ha kyns, ha dha gonseloryon kepar hag y'n dalleth. Wosa hemma ty a vydh henwys sita an ewnder, an sita len.

Ysay 28:5

Y'n jydh na Arloedh an luyow a vydh kurun a glori, garlont a dekter rag remenant y bobel,

Ysay 28:6

ha spyrys a wirvreus dhe neb a esedh yn breus, ha nerth dhe'n re a dreyl an vatel dhe-ves dhiworth an yet.

Ysay 29:10

An Arloedh re dhinewis warnowgh spyrys a hun down: Ev re dhegeas agas dhewlagas, hwi brofoesi; ha kudha agas pennow, hwi welesydhyon.

Ysay 32:1

Otta, myghtern a reyn yn ewnder ha pennsevigyon a wovern gans gwirvreus.

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Ysay 60:17

Yn le brons my a dhre owr, hag yn le horn my a dhre arghans, brons yn le prenn, ha horn yn le meyn. My a sett kres avel dha sentri, hag ewnder avel dha rewloryon.

Yeremia 30:21

Ha'ga fennsevigyon a vydh kemmerys a'ga honan, ha'ga governour a dheu a'ga mysk; my a'n dre yn ogas, hag ev a dheu nes dhymm, poken piw a vedha nesa dhymm? yn-medh an Arloedh.

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Yoel 3:16

An Arloedh a vedhygel dhiworth Sion, ha dhiworth Yerusalem ev a ri y lev; ha'n nevow ha'n norvys a gren, mes an Arloedh yw skovva rag y bobel ha kastell rag mebyon Ysrael.

Zekaria 10:12

My a wra aga nertha y'n Arloedh, hag yn y hanow ev i a gerdh a-dro, yn-medh an Arloedh.

Zekaria 10:6

My a wra nertha chi Yuda ha selwel chi Yosep. My a wra aga restorya, rag my a gemmer truedh anedha. I a vydh kepar ha pan na wrugavy aga skonya; rag yth ov vy an Arloedh aga Duw, ha my a wra aga gorthybi.

Zekaria 12:4

Y'n jydh na, yn-medh an Arloedh, my a wra gweskel pub margh gans sowdhan, ha'y varghek gans muskokter. My a iger ow dewlagas orth chi Yuda, mes my a wra gweskel pub mergh a'n kenedhlow gans dellni.

Zekaria 12:6

Y'n jydh na, my a wra kordhow Yuda avel pott tanek yn mysk prennyer, avel faglenn tan yn mysk manalow. I a wra devorya dhe'n dyghow ha dhe'n kledh oll an poblow y'n kyrghynn, mes Yerusalem a vydh annedhys arta yn hy thyller hi, yn Yerusalem.

Zekaria 14:14

Ynwedh Yuda a wra omladh yn Yerusalem. Rychys oll an kenedhlow y'n kyrghynn a vydh kuntellys, owr, arghans, ha dillas, myns meur.

Breusysi 5:9

Ow holonn a dhe gaslewydhyon Ysrael hag a ombrofyas a'ga bodh yn mysk an bobel. Bennigewgh an Arloedh.