Zekaria 12:2 - An Bibel Kernewek 20234 (Kernewek Kemmyn)

² Awotta my a wra Yerusalem hanaf a benn-dro rag oll an poblow y'n kyrghynn; ha rag Yuda ynwedh, pan vydh Yerusalem kes a-derdro.

Zekaria 12:2 Iomraidhean Croise

Salmow 75:8

Rag yn leuv an Arloedh yma hanaf, hag ewynek yw an gwin, kemmyskys yn leun, hag ev a dhinwa anodho. Mes an godhes anodho, oll tebeles an nor a'n lenk ha'y eva.

Ysay 51:17

Difun, difun! Sav yn-bann, A Yerusalem, ty neb re evas orth dorn an Arloedh hanaf y sorr, neb re evas bys y'n godhes an bolla a vedhwenep.

Yeremia 25:15

Rag yndellma y lever an Arloedh, Duw Ysrael dhymm: Kemmer hanaf gwin an sorr ma a'm leuv, ha gwra dhe bub kenedhel, ma'th tannvonav, y eva.

Yeremia 25:17

Ena my a gemmeras an hanaf a-dhiworth leuv an Arloedh, ha gul dhe bub kenedhel eva, le ma'm dannvonas an Arloedh:

Yeremia 49:12

Rag yndellma y lever an Arloedh: Otta, seul na veu breusys dhe eva an hanaf a dal hwath y eva, ytho a vydhydh ty heb kessydhyans vyth? Ny vydhydh heb kessydhyans; res yw dhis y eva.

Yeremia 51:57

My a wra medhwi hy fennsevigyon ha'y doethyon, ynwedh hy governours, hy soedhogyon ha'y breselyoryon; i a gosk yn kosk bys vykken heb difuna nevra, yn-medh an Myghtern, ha'y hanow Arloedh an luyow.

Yeremia 51:7

Babylon o hanaf owr yn leuv an Arloedh, ow kul medhow oll an nor; an kenedhlow a evas a'y gwin; rakhenna an kenedhlow eth yn fuskok.

Yeremia 8:14

Prag yth on esedhys stag? Omguntellewgh, hag entryn y'n sitys kerys, ha merwel ena: rag an Arloedh agan Duw re'gan daskorras dhe'n mernans, ha ri dhyn dowr gwenonek dhe eva, drefenn ni dhe begha erbynn an Arloedh.

Habakkuk 2:16

Lenwys os gans meth yn le golewder: yv ty ynwedh ha diskwa dha gudhgenn. An hanaf yn leuv dhyghow an Arloedh a dheu dhis ha disenor a vydh war dha wolewder.

Zekaria 14:14

Ynwedh Yuda a wra omladh yn Yerusalem. Rychys oll an kenedhlow y'n kyrghynn a vydh kuntellys, owr, arghans, ha dillas, myns meur.

Zekaria 14:2

My a wra kuntell oll an kenedhlow erbynn Yerusalem rag kas; ha'n sita a vydh kemmerys, ha'n chiow pyllys, ha'n benynes defolys. Hanter an sita a dheu yn divroedh, mes an remenant ny vydh treghys dhe-ves dhiworth an sita.

Diskwedhyans 14:10

ev ynwedh a wra eva a'n gwin a'n sorr a Dhuw, dinewys heb gwannhe y'n hanaf a'y sorr, hag ev a vydh tormentys gans tan ha loskven a-dherag an eledh sans hag a-dherag an Oen.

Diskwedhyans 16:19

Ha'n sita vras a veu rynnys yn teyr rann, ha'n sitys a'n kenedhlow a goedhas: ha Babylon vras a veu kovhes a-dherag Duw, dhe ri dhedhi hanaf an gwin a gonnar y sorr.

Diskwedhyans 18:6

Rewgh dhedhi arta kepar dell ros hi ynwedh, ha rewgh dhedhi dewblek a'y gwriansow: y'n hanaf may kemmyskas hi, gwrewgh kemmyska dewblek.