Zekaria 12:11 - An Bibel Kernewek 20234 (Kernewek Kemmyn)

¹¹ Y'n jydh na an kynvann yn Yerusalem a vydh meur, avel kynvann Hadad-rimmon yn nans Megiddo.

Zekaria 12:11 Iomraidhean Croise

2 Myghternedh 23:29

Yn y dhydhyow, Faro Neko myghtern Ejyp eth yn-bann dhe weres myghtern Assyria orth avon Ewfrates. Myghtern Yosia eth dhe vetya orto yn batel; mes pan vetyas Faro Neko orto yn Megiddo, ev a'n ladhas.

2 Kroniklys 35:22

Mes ny vynna Yosia treylya dhiworto, mes ev a doellwiskas y honan rag mayth omlattho er y bynn. Ny woslowas orth geryow Neko a anow Duw, mes ev a dheuth dhe vatalyas yn plen Megiddo.

2 Kroniklys 35:24

Yndella y wesyon a'n kemmeras yn-mes a'y jarett ha'n dugons dh'y nessa charett, ha'y dhri dhe Yerusalem. Ena ev a verwis, hag a veu ynkleudhys yn bedhow y dasow. Oll Yuda ha Yerusalem a gynis war-lergh Yosia.

Zekaria 12:12

Ha'n tir a wra kyni, pub teylu orto y honan; teylu chi Davydh orto y honan, ha'ga gwragedh orta aga honan; teylu chi Nathan orto y honan, ha'ga gwragedh orta aga honan;

Matthew 24:30

Hag ena yth omdhiskwa tokyn Mab an den yn nev, hag ena pub loeth a'n bys a wra kyni, hag i a wel “Mab an den ow tos war gommol an nev” gans galloes ha golewder meur;

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.

Diskwedhyans 16:16

Hag ev a's kuntellas war-barth dhe dyller henwys yn Ebrow, Armageddon.