Zekaria 12:10 - An Bibel Kernewek 20234 (Kernewek Kemmyn)

¹⁰ Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Zekaria 12:10 Iomraidhean Croise

Jenesis 45:1

Ny ylli Yosep omgontrolya dherag oll an re ow sevel rybdho, hag ev a armas. ‘Bedhes pub den oll gorrys yn-mes dhiworthiv vy.’ Ha nyns esa denvyth ow sevel ganso pan omdhiskudhas Yosep dh'y vreder.

Jenesis 45:2

Hag ev a oelas, ughel y lev, ha'n Ejyptianys a glewas, ha chi Faro a glewas ynwedh.

Salmow 51:12

Daskorr dhymm lowena dha selwyans ha menten vy gans dha Spyrys hel.

Lavarow Koth 1:23

Koelewgh orth ow heredh; otta! my a dhinwa ow spyrys dhywgh, my a wra ow geryow dhe vos godhvedhys genowgh.

Lavarow Koth 4:3

Pan en vy mab gans ow thas, tender, ha'n unn vab yn golok ow mamm,

Ysay 32:15

erna vo an Spyrys dinewys warnedha a-wartha. Ena an gwylvos a vydh tir feyth, ha'n tir feyth a vydh synsys dhe vos koeswik.

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Yeremia 31:19

Rag wosa my dhe dreylya, my a goedhas yn edrek, ha wosa my dhe vos dyskys, my a weskis ow mordhos; meth a'm bo ha my a veu iselhes, drefenn my dhe dhoen keredh ow yowynkneth.’

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Yeremia 50:4

Y'n dydhyow na hag y'n termyn na, yn-medh an Arloedh, pobel Ysrael a dheu, i ha pobel Yuda war-barth; i a dheu yn unn oela ow hwilas an Arloedh aga Duw.

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Ezekiel 20:43

Ena hwi a berth kov a'gas fordhow, hag oll agas drogoberow may fewgh defolys dredha; ha kasadow dhywgh agas honan a vydh oll agas drogoberow a wrussowgh.

Ezekiel 37:14

Ha my a worr ow spyrys ynnowgh, ha hwi a vew, ha my a'gas sett yn agas tiredh agas honan. Ena hwi a woer my, an Arloedh, dhe gewsel, ha my a'n kollenow’, yn-medh an Arloedh.

Ezekiel 39:29

Ny gudhav ow fas arta dhiworta, rag my re dhiveris ow spyrys war ji Ysrael, yn-medh an Arloedh Duw.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Niverow 21:9

Ytho Moyses a wrug sarf a vrons, ha'y gorra war beul; ha mar prattha sarf den vytholl, ev a virsa orth an sarf vrons ha bewa.

Matthew 24:30

Hag ena yth omdhiskwa tokyn Mab an den yn nev, hag ena pub loeth a'n bys a wra kyni, hag i a wel “Mab an den ow tos war gommol an nev” gans galloes ha golewder meur;

Matthew 26:75

Ha Peder a borthas kov a eryow Yesu, kewsys dhodho, ‘Kyns es an kulyek dhe gana ty a'm denagh teyrgweyth.’ Hag ev eth dhe-ves hag a oelas yn hwerow.

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Oberow 10:45

Ha'n gryjygyon a'n trodreghyans neb re dhothya gans Peder a veu sowdhenys, drefenn bos ro an Spyrys Sans dinewys war an Jentilys ynwedh;

Oberow 11:15

Ha my ow talleth kewsel, an Spyrys Sans a goedhas warnedha kepar dell wrug warnan ni y'n dalleth.

Oberow 2:17

“Hag y fydh y'n dydhyow diwettha, yn-medh Duw, my a dhinwa a'm Spyrys war gig oll, ha'gas mebyon ha'gas myrghes a wra profoesa ha'gas gwer yowynk a wra gweles gwelesigethow ha'gas gwer goth a wra hunrosa hunrosow;

Oberow 2:33

rakhenna, ughelhes dhe'n barth dhyghow dhe Dhuw, pan dhegemmersa dhiworth an Tas dedhewadow an Spyrys Sans, ev a dhinewis hemma hag a welowgh hag a glewowgh.

Oberow 2:37

Pan glewsons hemma, gwenys vons y'n golonn, hag i a leveris dhe Peder ha dhe'n abesteli erell, ‘Breder, pandr'a wren ni?’

Romanyon 8:15

Ny gemmersowgh spyrys a gethneth ow ledya arta dhe own, mes hwi a gemmeras spyrys adoptyans avel mebyon dredho may kriyn ‘Abba! Tas!’

Romanyon 8:26

Ynwedh an Spyrys a'gan gweres yn agan gwannder, rag ny wodhon fatell byssyn dell dhegoedh, mes an Spyrys y honan a bys ragon gans kyni dres leverel.

Efesianys 6:18

Dre bub pysadow ha govenek, pysewgh pub eur oll y'n Spyrys; ha dhe'n porpos na, bedhewgh hewoel gans pub diwysykter ha pysadow rag oll an syns,

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Lyther Yud 1:20

Mes hwi garadowyon, owth omdhrehevel agas honan der agas fydh sansella, ow pysi y'n Spyrys Sans,

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.

1 Samuel 7:2

Lies dydh a bassyas a-dhia'n jydh may trigas an argh yn Kiryath-yearim; ugens blydhen o, hag oll chi Ysrael a yeunis war-lergh an Arloedh.