Zekaria 11:7 - An Bibel Kernewek 20234 (Kernewek Kemmyn)

⁷ Ytho my a beskis an flokk rag an ladhva, ynwedh boghosogyon an flokk. My a gemmeras diw vagel ha my a henwis an eyl Hwekter ha'y ben Kolmow, ha my a beskis an flokk.

Zekaria 11:7 Iomraidhean Croise

Salmow 23:4

Ha kyn kerdhav dre nans skeus ankow, ny borthav own a dhrog; rag yth esos genev; dha welenn ha'th lorgh a'm hebaskha.

Salmow 27:4

Unn dra a wovynnis orth an Arloedh, henna a hwilav: my dhe driga yn chi an Arloedh dres oll dydhyow ow bewnans, dhe vires orth tekter an Arloedh, ha dhe brederi yn y dempel.

Salmow 90:17

Ha bedhes favour an Arloedh agan Duw warnan ni, ha fast ober agan diwleuv warnan, fast ober agan diwleuv.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Yeremia 39:10

Mes Nebuzaradan kapten an withysi a asas boghosogyon an bobel, na's tevo travyth, yn pow Yuda, ha ri dhedha gwinlannow ha parkow y'n keth prys.

Levitikus 27:32

Hag oll dega an chatel po an flokk, pup-tra a dremenno yn-dann welenn an bugel, an degves a vydh sans dhe'n Arloedh.

Mika 7:14

Bugel dha bobel gans dha vagel, para dha eretons, hag a drig y honan yn koeswik y'n kres a dir feyth; peurens yn Bashan ha Gilead kepar hag y'n dydhyow koth.

Sefania 3:12

My a as ynwedh a-berth ynnos pobel boghosek ha gwann, hag i a hwila skovva yn hanow an Arloedh.

Zekaria 11:14

Ena my a dorras ow nessa bagel, Kolmow, dhe dhilea an brederedh yntra Yuda hag Ysrael.

Zekaria 11:4

Yndellma y lever an Arloedh ow Duw: Pesk an flokk rag an ladhva.

Matthew 11:5

dellyon a wel arta hag evredhyon a gerdh; klavorogyon yw glanhes, bodharyon a glew, ha tus varow yw drehevys, ha dhe voghosogyon an aweyl yw pregewthys;

Mark 12:37

Yma Davydh y honan orth y elwel Arloedh; ha fatell, ytho, ymava mab dhodho?’ Ha'n routh veur a woslowi orto yn lowen.

Yowann 10:16

Hag yma dhymm deves erell, nag yns a'n gorlann ma; res yw dhymm aga dri ynwedh, hag i a glew ow lev; hag y fydh unn flokk, unn bugel.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

1 Samuel 17:40

Ena ev a gemmeras y lorgh yn y dhorn, ha dewis ragdho pymp bilienn mes a'n gover, ha'ga gorra yn y sagh bugel deves, y'n skryp, hag yth esa y dowlbrenn yn y dhorn, hag ev a dheuth nes dhe'n Filistyas.

1 Samuel 17:43

An Filistyas a leveris dhe Davydh, ‘Ov vy ki, may teudh dhymm gans lorghow?’ Ha'n Filistyas a vollethis Davydh der y dhuwow.