Zekaria 11:5 - An Bibel Kernewek 20234 (Kernewek Kemmyn)

⁵ Aga frenoryon a wra aga ladha ha nyns yns i kablus. An re a wra aga gwertha a lever, ‘Benniges re bo an Arloedh, rych ov vy!’ Aga bugeledh ny gemmerons truedh anedha.

Zekaria 11:5 Iomraidhean Croise

2 Myghternedh 4:1

Unn venyn yn mysk gwragedh mebyon an brofoesi a grias dhe Elisha ow leverel ‘Marow yw dha was, ow gour, ha ty a woer dha was dhe berthi own a'n Arloedh. Lemmyn kresysor re dheuth rag kemmeres ow dew vab rag bos y gethyon.’

Nehemia 5:8

Hag yn-medhav dhedha, ‘Oll dh'agan galloes, ni re dhasprenas agan breder, an Yedhewon, a veu gwerthys dhe'n kenedhlow; mes yth esowgh hwi ow kwertha agas breder, may fons gwerthys dhyn!’ Yth ens tawesek ha ny allsons kavoes ger dhe leverel.

Yeremia 2:3

Ysrael o sansoleth dhe'n Arloedh, ha kynsa frut y askorr: kablus o peub a'n devorya; drog a dheu warnedha, yn-medh an Arloedh.

Yeremia 50:7

Peub a's kavas re's devoryas, ha'ga eskerens re leveris, ‘Nyns on kablus, drefenn i dhe begha erbynn an Arloedh, an gwir beurva, ha govenek aga thasow, an Arloedh.’

Ezekiel 34:10

Yndellma y lever an Arloedh Duw: Ottavy erbynn an vugeledh, ha my a hwila ow deves dhiworth aga leuv, ha'ga lettya rag bugelya deves; ny wra an vugeledh maga aga honan arta. My a saw ow deves dhiworth aga ganow, ma na vons boes ragdha na fella.

Ezekiel 34:21

Rag hwi dhe herdhya gans tenewen ha skoedh, ha kornya gans agas kern oll an re gwann, bys pan wrussowgh aga skattra dhe-ves,

Ezekiel 34:6

Ow deves eth yn stray war oll an menydhyow, ha war bub bronn ughel; ow deves a veu skattrys war oll enep an nor, ha nagonan ny's hwilas na hwithra.

Hosea 12:8

Yn-medh Efraym, ‘Yn hwir rych ov vy, my re drovyas pythow; yn oll ow lavur ny gevons ynnov kammhynseth, yw pegh.’

Hosea 12:9

My re beu an Arloedh dha Dhuw a-ban veus yn pow Ejyp; my a'th wra arta dhe driga yn tyldow kepar hag yn dydhyow an kuntellyans.

Amos 2:6

Yndellma y lever an Arloedh: Rag tri hammweythres a Ysrael, ha rag peswar, ny wrav vy hepkorr an kessydhyans; drefenn i dhe wertha an den gwiryon a arghans, ha'n edhommek a dhiw eskis.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Yowann 10:1

‘Yn hwir, yn hwir y lavarav dhywgh, neb na dheu a-ji dhe gorlann an deves der an daras mes neb a yskynn war neb fordh arall, henn yw lader ha robbyer.

Yowann 16:2

I a wra agas emskemuna a'n synaga; mes an eur a dheu pan dyb peub a wra agas ladha, ev dhe brofya gordhyans dhe Dhuw.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.

Diskwedhyans 18:13

ha sinnamon, ha spisa, hag ethow hag eli, ha frankynkys, ha gwin, hag olew, ha bleus fin, ha gwaneth, ha bestes, ha deves, ha mergh, ha kertys, ha kethwesyon, hag enevow tus.

Diskwedhyans 3:17

Rag ty a lever, “Rych ov vy, ha my re sewenis, ha nyns eus edhomm vyth dhymmo vy”; ha ny wodhesta dha vos truedhek, ha pitethus, ha boghosek, ha dall ha noeth.