Zekaria 11:16 - An Bibel Kernewek 20234 (Kernewek Kemmyn)

¹⁶ Awotta my a wra drehevel bugel y'n tir na wra vri a'n re usi ow mos dhe goll, na hwilas an yowynk, na sawya an shyndys; ny sosten an gwann, mes ev a dheber kig an tew, ow tenna hwath aga harnow dhe-ves.

Zekaria 11:16 Iomraidhean Croise

Jenesis 31:38

My re beu genes an ugens blydhen ma; ny wrug dha dheves na'th hever kammdhegi. Ny dhybris vy hordhes a'th flokk.

Jenesis 33:13

Hag yn-medh ev dhodho, ‘Ow arloedh a woer bos an fleghes tender ha bos an flokk ha'n chatel ow tena genev. Mars yns drivys kales unn jydh, oll an flokk a vydh marow.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Yeremia 23:2

Rakhenna yndellma y lever an Arloedh, Duw Ysrael, erbynn an vugeledh a vugel ow fobel: Hwi re skattras ow deves ha'ga fesya, ha ny woelsowgh warnedha. Ytho my a visit warnowgh drogedh agas gwriansow, yn-medh an Arloedh.

Yeremia 23:22

Mes mar saffens y'm kusul, ha gul dhe'n bobel klewes ow geryow, ena i a'n dreylsa dhiworth aga drog fordh, hag a dhrogedh aga gwriansow.

Ezekiel 34:10

Yndellma y lever an Arloedh Duw: Ottavy erbynn an vugeledh, ha my a hwila ow deves dhiworth aga leuv, ha'ga lettya rag bugelya deves; ny wra an vugeledh maga aga honan arta. My a saw ow deves dhiworth aga ganow, ma na vons boes ragdha na fella.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Ezekiel 34:21

Rag hwi dhe herdhya gans tenewen ha skoedh, ha kornya gans agas kern oll an re gwann, bys pan wrussowgh aga skattra dhe-ves,

Daniel 11:36

‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.

Yowann 10:1

‘Yn hwir, yn hwir y lavarav dhywgh, neb na dheu a-ji dhe gorlann an deves der an daras mes neb a yskynn war neb fordh arall, henn yw lader ha robbyer.