Zekaria 11:10 - An Bibel Kernewek 20234 (Kernewek Kemmyn)

¹⁰ Ena my a gemmeras ow bagel Hwekter ha'y therri, dhe dhilea an kevambos re wrussen gans oll an poblow.

Zekaria 11:10 Iomraidhean Croise

Salmow 50:2

Yn-mes a Sion, perfydh hy thekter, Duw re splannas.

Salmow 89:39

Ty re skonyas an kevambos gans dha was; ty re dhefolas y gurun, orth hy thewlel dhe'n dor.

Salmow 90:17

Ha bedhes favour an Arloedh agan Duw warnan ni, ha fast ober agan diwleuv warnan, fast ober agan diwleuv.

Yeremia 14:21

Na wra agan kasa, a-barth dha hanow; na dhisenor tron dha wolewder; porth kov, na dorr dha gevambos genen.

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Hosea 1:9

Ena an Arloedh a leveris, ‘Hanw e Lo-ammi, a-ban nyns owgh hwi ow fobel, ha nyns ov vy agas Duw.’

Zekaria 11:7

Ytho my a beskis an flokk rag an ladhva, ynwedh boghosogyon an flokk. My a gemmeras diw vagel ha my a henwis an eyl Hwekter ha'y ben Kolmow, ha my a beskis an flokk.

Niverow 14:34

War-lergh niver an dydhyow mayth aspisowgh an tir, dew-ugens dydh, rag pub dydh unn vlydhen, hwi a dheg agas kammweyth, dew-ugens blydhen, ha hwi a wra aswonn ow displesour.’

Luk 21:32

Yn hwir y lavarav dhywgh, ny dremen an henedh ma dhe-ves, erna vo oll an taklow ma gwrys.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.