Zekaria 10:5 - An Bibel Kernewek 20234 (Kernewek Kemmyn)

⁵ I a vydh avel kasoryon alloesek ow stankya yn leys an stretow yn batel. I a omladh, drefenn bos an Arloedh gansa, hag i a wra bismer dhe varghogyon an vergh.

Zekaria 10:5 Iomraidhean Croise

2 Samuel 22:43

My a's brew munys avel doust an dor; my a's trett yn-dann dreys avel leys an stretys.

2 Samuel 22:8

An nor a grenas ha kryghylli; selyow an nevow a grysyas; i a grenas, rag y vos serrys.

2 Myghternedh 9:33

Ev a leveris, ‘Tewlewgh hi yn-nans.’ Ytho i a's tewlis yn-nans; nebes a'y goes a lagennas war an fos, ha war an vergh, hag i a stankyas warnedhi.

Salmow 18:42

My a's brew munys avel doust a-dherag an gwyns; my a's trett yn-dann dreys avel leys an stretys.

Salmow 20:7

Re a drest yn charettow ha re yn mergh; mes ni a berth kov a hanow an Arloedh agan Duw.

Salmow 33:16

Nyns eus myghtern a allo bos selwys gans lu meur; nyns yw breselyas krev delivrys gans galloes meur.

Salmow 44:5

Dredhos y herdhyn ni agan eskerens dhe'n dor; dre dha hanow ni a stank an re a sev er agan pynn.

Salmow 45:3

Kolm dha gledha war dha vordhos, ty vreselyas, gans dha splannder ha'th veuredh.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ysay 25:10

Rag leuv an Arloedh a bowes war an menydh ma. Moab a vydh trettys yn-dann dreys yn dyller dell yw kala trettys yn teylek.

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 41:12

Ty a's hwila mes ny's kevydh, an re a striv orthis; an re a werr orthis a vydh avel mann kammenn.

Ysay 41:25

My a wrug dhe onan difuna dhiworth an gledhbarth hag ev a dheu, dhiworth an howldrehevel, hag ev a elow war ow hanow. Ev a stank war rewloryon kepar dell ve war leys, dell drett an priweythor an pri.

Ysay 8:9

Bedhewgh terrys, poblow, ha bedhewgh dralys; ha goslowewgh, oll hwi vroyow pell, Omwrogysewgh, ha bedhewgh dralys! Omwrogysewgh, ha bedhewgh dralys!

Ezekiel 38:15

ha dos dhiworth dha dyller y'n gledhbarth pell, ty ha lies pobel genes, i oll ow marghogeth war vergh, ost bras, ha lu krev.

Amos 2:15

Ny sev an den a syns an warak, na ny skap an den skav y dreys, na ny yll an marghek omsawya.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Mika 7:10

Ena y'n gwel ow eskares, ha meth a's kudh; yn-medh hi dhymm, ‘Ple'ma an Arloedh, dha Dhuw?’ Ow dewlagas a lowenha orth hy gweles. Lemmyn hi a vydh trettys dhe'n dor haval dhe leys an stretow.

Haggay 2:22

My a dhomhwel an se a wlaskordhow, ha distrui galloes gwlaskordhow an kenedhlow, Disevel a wrav an charettow ha'ga lewyoryon, ha'n vergh ha'ga marghogyon a goedh, pubonan dre gledha y vroder.

Zekaria 12:4

Y'n jydh na, yn-medh an Arloedh, my a wra gweskel pub margh gans sowdhan, ha'y varghek gans muskokter. My a iger ow dewlagas orth chi Yuda, mes my a wra gweskel pub mergh a'n kenedhlow gans dellni.

Zekaria 12:8

Y'n jydh na an Arloedh a vydh skoes dhe drigoryon Yerusalem; ev neb yw difredh yn aga mysk an jydh na a vydh avel Davydh, ha chi Davydh a vydh avel Duw, avel el an Arloedh a-ragdha.

Zekaria 14:13

Y'n jydh na y fydh meur dheray dhiworth an Arloedh yn aga mysk. An eyl a dhalghenn leuv y gila, ha den a dhrehav y leuv erbynn y gentrevek.

Zekaria 14:3

Ena an Arloedh a dheu yn-mes, ha batalyas orth an kenedhlow na kepar dell wra batalyas yn dydh an gas.

Zekaria 9:13

My a wra plegya Yuda avel gwarak ha gorra Efraym ynni avel seth. My a dhifun dha vebyon, A Sion, erbynn dha vebyon, A Bow Grek, ha my re'th wrug avel kledha kasor.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Matthew 4:3

Ha'n tempter a dheuth dhodho ha leverel, ‘Mars osta Mab Duw, lavar dhe'n veyn ma bos gwrys bara.’

Luk 24:19

Hag yn-medh ev dhedha, ‘Pandra?’ Yn-medhons dhodho, ‘A-dro dhe Yesu a Nazareth, neb o profoes galloesek yn gweythres hag yn ger a-rag Duw hag oll an bobel,

Oberow 18:24

Hag y teuth dhe Efesus unn Yedhow henwys Apollos, genesik a Aleksandria, gour freth ha skentel y'n skryptors.

Oberow 7:22

Ha Moyses a veu dyskys yn oll skentoleth an Ejyptianys, ha nerthek o yn y eryow ha'y oberow.

2 Korinthianys 10:4

rag arvow agan gwerryans nyns yns a'n kig mes yma dhedha nerth Duw dhe dhomhwel kastylli, ow tomhwel dadhlow

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

2 Timothi 4:17

Mes an Arloedh a sevis rybov ha ri nerth dhymmo, may fe an pregoth kowlwrys dredhov ha ma'n klewva oll an Jentilys. Ha sawys veuv yn-mes a anow an lew.

2 Timothi 4:7

My re strivyas an strivyans da ha kowlwul an resegva. My re withas an fydh.

Yoshua 10:14

Ny feu dydh kepar ha henna kyns po a-wosa, pan woslowas an Arloedh orth lev gour; rag an Arloedh a omladhas rag Ysrael.

Yoshua 10:42

Yoshua a gemmeras oll an vyghternedh ma ha'ga thir yn unn kaskyrgh, drefenn an Arloedh, Duw Ysrael, dhe omladh rag Ysrael.

Diskwedhyans 19:17

Ha my a welas unn el ow sevel y'n howl; hag ev a armas, ughel y lev, ow leverel dhe oll an ydhyn ow nija yn kres nev, ‘Dewgh, omguntellewgh war-barth dhe'n goen vras a Dhuw,

1 Samuel 16:18

Ena onan a'n wesyon a worthybis, ‘My re welas mab a Yesse an Bethlehemyas neb a woer seni, ha gour kolonnek, kasor, fur yn kows, ha gour a semlans da; hag yma an Arloedh ganso.’