Zekaria 10:4 - An Bibel Kernewek 20234 (Kernewek Kemmyn)

⁴ Dhiworto y teu an pennmen, dhiworto an ebil, dhiworto gwarak an gas, dhiworto y teu pub rewler.

Zekaria 10:4 Iomraidhean Croise

Jenesis 49:24

mes y warak a dhuryas fyrv ha giow y dhiwdhorn dre dhiwdhorn an Galloesek a Yakob, yn hanow an Bugel, karrek Ysrael,

Ezra 9:8

Ha lemmyn, rag termyn berr truedh re beu diskwedhys gans an Arloedh agan Duw, ow kasa dhyn remenant, hag ow ri dhyn troesla fyrv yn y dyller sans, may klerhaho agan Duw agan dewlagas, ha ri dhyn tamm a dhifresyans yn agan kethneth.

Salmow 118:22

An men a skonyas an weythoryon re dheuth ha bos pennmen an korn.

Ysay 19:13

Pennsevigyon Soan a dheuth ha bos fellyon, pennsevigyon Nof yw toellys; pennmeyn hy loethow re ledyas Ejyp yn stray.

Ysay 28:16

rakhenna yndellma y lever an Arloedh Duw, Otta, yth esov ow gorra selven yn Sion, men prevys, pennmen drudh, selven sur; piwpynag a grysso ny vydh fysk.

Ysay 49:2

Ev a wrug ow ganow avel kledha lymm, yn skeus y dhorn ev a'm kudhas; ev a'm gwrug seth lymmys, yn goen y sethow ev a'm kelas.

Ysay 54:16

Otta, my yw neb re wrug an gov neb a hwyth an glowbrennyer yn flammow, hag a furv arv wiw rag y borpos; my re greatyas ynwedh an ravner dhe dhistrui.

Yeremia 1:18

Rag, otta, my re'th wrug y'n jydh ma sita gerys, ha koloven a horn, ha fosow a vrons erbynn an tir kowal, erbynn myghternedh Yuda, erbynn aga fennternedh, erbynn aga oferysi, hag erbynn pobel an tir.

Yeremia 51:20

Ty yw kaspoel dhymm, ow arv vatel: genes my a vrew kenedhlow; my a dhistru gwlaskordhow;

Zekaria 9:10

My a dhistru an charett dhiworth Efraym ha'n margh dhiworth Yerusalem, Gwarak an gas a vydh distruys. Ev a gews kres dhe'n kenedhlow. Y rewl a wra drehedhes a vor dhe vor, ha dhiworth an avon bys pennow an norvys.

Zekaria 9:8

My a wra kampya ryb ow chi avel gwithyas, ma na dremenno denvyth na dehweles. Ny dremen mester kethneth arta dresta, rag lemmyn my re welas gans ow dewlagas.

Niverow 24:17

My a'n gwel, mes a-der lemmyn; my a'n aspi, mes a-der yn ogas; sterenn a wra dos war-rag yn-mes a Yakob, ha ternwelenn a wra sevel yn-mes a Ysrael; hi a wra brewi talyow Moab, ha kregyn oll mebyon Sheth.

Matthew 9:38

pysewgh ytho Arloedh an drevas may tannvonno gonisysi bys yn y drevas.’

Luk 20:17

Mes ev a viras orta ha leverel, ‘Pandra ytho a styr an skryptor ma “An men hag a veu skonys gans an weythoryon, henn yw gwrys pennmen an korn”?

Efesianys 2:20

drehevys war sel an abesteli ha'n brofoesi, Krist Yesu y honan ow pos an pennmen.

2 Timothi 2:4

Souder ny wra omvagla gans negys bewnans kemmyn, may hallo plegya dhe neb re wrug y worra war rol y soudoryon.

1 Peder 2:6

Rag skrifys yw y'n Skryptor, ‘Otta, my a worr yn Sion men, pennmen dewisys, drudh, ha neb a grys ynno ny'n jevydh meth.’

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’

1 Samuel 14:38

Ha Sowl a leveris ‘Dewgh omma, oll ledyoryon an bobel; ha konvedhyn ha miryn fatell dhrehevis an pegh ma hedhyw.