Zekaria 10:3 - An Bibel Kernewek 20234 (Kernewek Kemmyn)

³ Ow sorr a lesk erbynn an vugeledh, my a wra kessydhya an ledyoryon; rag an Arloedh a with y flokk, chi Yuda, hag ev a's gwra avel y vargh splann yn batel.

Zekaria 10:3 Iomraidhean Croise

Job 39:25

Pan sen an korn ev a renk “Aha!” Ev a vlas an vatel dhiworth pell, taran an hembrenkysi ha garm an gas.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Lavarow Koth 21:31

An margh yw darbarys rag dydh an gas, mes yma an trygh dhe'n Arloedh.

An Gan a Ganow 1:9

My a'th kehevel, ow huv kolonn, orth kasek yn mysk charettow Faro.

Ysay 10:12

Ytho pan dhiwedh an Arloedh oll y ober war venydh Sion hag yn Yerusalem, my a gessydh frut kolonn goethus myghtern Assyria, ha balghder y dhewlagas howtyn.

Ysay 24:21

Y'n jydh na an Arloedh a gessydh lu an re ughel usi a-ugh, ha myghternedh an tir usi war an dor.

Yeremia 10:21

Rag an vugeledh yw gokki, ha ny hwilsons an Arloedh; rakhenna ny sewenons hag oll aga flokkys a vydh skattrys.

Yeremia 11:22

Ytho yndellma y lever Arloedh an luyow: Otta, my a's kessydh: an wer yowynk a verow der an kledha; aga mebyon ha'ga myrghes a verow dre dhivoetter.

Yeremia 25:12

Ha pan vydh diwedh dhe'n deg blydhen ha tri-ugens, my a gessydh myghtern Babylon ha'n genedhel na, yn-medh an Arloedh, rag aga anewnder, ha tir an Kaldeanys, ha'y wul difeyth bys vykken.

Yeremia 25:34

Oulyewgh, hwi vugeledh, ha kria; omrolyewgh yn lusu, hwi arlydhi an flokk; rag dydhyow agas ladhva ha'gas keskar yw devedhys, ha hwi a goedh avel lester teg.

Yeremia 50:6

Ow fobel re beu deves kellys; aga bugeledh re's ledyas yn stray, orth aga threylya dhe-ves war an menydhyow; i res eth a'n menydh dhe'n vre, i re ankovas aga horlann.

Ezekiel 34:11

Rag yndellma y lever an Arloedh Duw: Ottavy, my ow honan, ow hwilas ow deves ha'ga hwithra.

Ezekiel 34:12

Kepar dell wra bugel hwithra y flokk pan usi ev yn mysk y dheves skattrys, yndella my a hwither ow deves vy ha'ga delivra a-dhiworth oll an tylleryow mayth yns skattrys yn dydh a gommol ha tewlder tew.

Ezekiel 34:2

Mab den, profoes erbynn bugeledh Ysrael, profoes ha lavar dhedha – dhe'n vugeledh: Yndellma y lever an Arloedh Duw: Go-hwi bugeledh Ysrael, re beu ow maga aga honan! a ny dal an vugeledh maga an deves?

Daniel 11:32

Ha'n re a gammdremen erbynn an kevambos, ev a wra aga flattra yn fekyl; mes an bobel a aswonn aga Duw a vydh krev ha gul gweyth.

Sefania 1:8

Hag y hwyrvydh yn dydh sakrifis an Arloedh, my dhe gessydhya an bennternedh, ha mebyon an myghtern, hag oll an re yw gwiskys yn dillas estren.

Sefania 2:7

Ha'n arvor a vydh rag remenant chi Yuda; i a wra aga greow dhe beuri warnodho: yn chiow Ashkelon i a wrowedh gorthugherweyth; rag an Arloedh, aga Duw, a wra aga visitya, ha treylya aga hethneth.

Zekaria 11:17

Go-ev an koeg vugel, a forsak an flokk! Re wasko kledha y vregh ha'y lagas dyghow! Re gowlwetthro y vregh, ha re bo y lagas dyghow kowldhellys!

Luk 1:68

‘Benniges re bo an Arloedh, Duw Ysrael; rag ev re dheuth dhe weles y bobel ha'ga dasprena,

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.

Ruth 1:6

Ha hi a sevis ha dehweles a diredh Moab, ha'y gohydhow gensi, drefenn hi dhe glewes yn tiredh Moab an Arloedh dhe wul vri a'y bobel, ow ri dhedha bara.