Zekaria 10:2 - An Bibel Kernewek 20234 (Kernewek Kemmyn)

² An imajys re gewsis flows, ha'n goelyogyon re welas gwelesigethow gowek; i a dheriv fals hunrosow, i a re konfort euver. Ytho an dus a wander avel deves, yn ahwer, rag nyns eus bugel.

Zekaria 10:2 Iomraidhean Croise

Jenesis 31:19

Ha Laban eth dhe gnyvyas y dheves; ha Raghel a ladras an terafim a bewo hy thas,

1 Myghternedh 22:17

Ena Mikaya a leveris, ‘My a welas Ysrael oll keskerys war an menydhyow, avel deves na's teves bugel; ha'n Arloedh a leveris, “An re ma ny's teves mester; gas peub dhe vos tre yn kres.” ’

Job 13:4

Saw byttegyns hwi a'm gwynngalgh gans gowyow, koeg vedhogyon owgh hwi oll.

Job 21:34

Fatell yllowgh ow honfortya ytho gans geryow koeg? Nyns eus travyth gesys marnas frows yn agas gorthybow.’

Ysay 41:29

Otta, toell yns i oll, nyns yw aga oberow travyth; aga imajys teudh yw gwyns ha gwakter.

Ysay 44:25

neb a lett toknys oferysi-dhargan, hag a wra ges a goelyogyon; neb a dreyl tus fur war-dhelergh, ha gul foll aga godhvos;

Ysay 44:9

Oll myns a wra imajys yw mann, ha'n taklow may lowenhons ynna yw diles. Aga dustunioryon yw heb gweles ha heb godhvos, ytho i a berth meth.

Ysay 46:5

Piw dhodho y'm hevelebowgh ha'm gul par dhodho, ha'm keheveli, may fen haval an eyl dh'y gila?

Yeremia 10:8

Mes i yw ha gokki ha foll; dyskans idolys a brenn yw euveredh.

Yeremia 14:13

Ena my a leveris, ‘A Arloedh Duw! Otta, an brofoesi a lever dhedha, “Ny welowgh an kledha, na hwath ny'gas beus divoetter; mes my a re dhywgh kres sur y'n tyller ma.” ’

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 23:17

I a lever dhe'n re a dhispres ger an Arloedh, ‘Hwi a'gas bydh kres’, ha dhe bubonan a siw gorthter y golonn, ‘Ny dheu terroes warnowgh.’

Yeremia 23:32

Otta, yth esov erbynn an re a brofoes fals hunrosow, yn-medh an Arloedh, hag a wra aga derivas, ha gul dhe'm pobel mos yn stray der aga gowyow ha'ga bostya; mes ny's dannvenis, na gorhemmynna dhedha; ytho ny vydhons dhe les rag an bobel ma, yn-medh an Arloedh.

Yeremia 27:10

Rag i a brofoes gow dhywgh, may fydhowgh gorrys pell dhiworth agas tir; my a'gas fes yn-mes, ha hwi a dhe goll.

Yeremia 27:14

Ytho na woslowewgh orth geryow an brofoesi a gews dhywgh, ow leverel, Na servyewgh myghtern Yuda, rag i a brofoes gow dhywgh.

Yeremia 27:9

Ytho, na woslowewgh orth agas profoesi, na'gas koelyogyon, na'gas hunrosysi, na'gas hudoryon, na'gas pystrioryon, a gews dhywgh, ow leverel, ‘Ny servyowgh myghtern Babylon.’

Yeremia 28:15

Ena an profoes Yeremia an profoes a leveris dhe Hanania an profoes, Goslow, Hanania, ny'th tannvonas an Arloedh, mes ty a wra an bobel ma dhe fydhya yn gow.

Yeremia 29:8

Rag yndellma y lever Arloedh an luyow, Duw Ysrael: Na esewgh an brofoesi ha'n goelyogyon yn agas mysk dh'agas toella, ha na woslowewgh orth an hunrosow a hunrosons.

Yeremia 37:19

Ple'ma agas profoesi a brofoesas dhis, ow leverel, “Ny dheu myghtern Babylon er agas pynn hag erbynn an tir ma”?

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Yeremia 51:23

genes my a vrew an bugel ha'y flokk; genes my a vrew an tiek ha'y yew a oghen; genes my a vrew governours ha soedhogyon.

Yeremia 6:14

I re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Yeremia 8:11

Rag i re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Kynvannow 2:14

Dha brofoesi re welas ragos falsuri ha toell; ny dhiskudhsons dha dhrogobereth rag treylya dha gethneth, mes ragos i re welas gwelesigethow fals ha frowsus.

Ezekiel 21:21

Rag myghtern Babylon a sev orth diberthva an fordh, orth penn an dhiw fordh, dhe wul dewinieth. Ev a shak sethow, ev a hwila kusul orth an terafim, ev a vir orth an avi.

Ezekiel 21:29

Dha welesigethow yw fals ha 'th tewinieth yw gowek dh'y settya war gonnaow an debeles ansans; aga dydh re dheuth, termyn an kessydhyans diwettha.

Ezekiel 34:5

Skattrys vons, heb bugel; i a veu boes rag oll bestes an gwel.

Ezekiel 34:8

Dell vewav, yn-medh an Arloedh Duw, drefenn bos ow deves preydh, ha drefenn bos ow deves boes dhe bub best an gwel, heb bugel, ha ny wrug ow bugeledh hwilas ow deves, mes an vugeledh a vagas aga honan, heb maga ow deves,

Hosea 3:4

Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Mika 2:12

My a'th kuntell, A Yakob, oll yn tien, my a guntell remenant Ysrael; my a's gorr war-barth avel deves Bosra, avel flokk yn kres y beurva; dasseni a wra gans tus.

Habakkuk 2:18

Py les eus dhe imaj gravys pan y'n gravyas y furvyer – imaj teudh ha dyskador gowyow? An furvyer a drest y wrians y honan, ow kul idolys avlavar!

Zekaria 11:17

Go-ev an koeg vugel, a forsak an flokk! Re wasko kledha y vregh ha'y lagas dyghow! Re gowlwetthro y vregh, ha re bo y lagas dyghow kowldhellys!

Niverow 27:17

neb a wra mos a-dheragdha ha dos a-ji a-ragdha, neb a's hembronk yn-mes ha'ga dri a-ji; ma na vo kuntelles an Arloedh avel deves na's teves bugel.’

Matthew 9:36

Hag ev, ow mires orth an routhow, a gemmeras truedh anedha, drefenn aga bos troblys ha diweres kepar ha deves heb bugel.

Mark 6:34

Ha pan dheuth yn-mes, ev a welas routh veur, ha truedh a'n jeva anedha, rag yth ens avel deves heb bugel; hag ev a dhallathas dyski dhedha lies tra.

Dewteronomi 13:2

ha mar pydh kollenwys an tokyn po an marth a gewsis dhis, ow leverel, ‘Deun war-lergh duwow erell’ – na's aswonnsys – ‘ha servyn i’,

Breusysi 18:14

Ena an pymp gour a via gyllys dhe aspia an tir (henn yw Laish) a leveris dh'aga breder, ‘A wodhowgh hwi bos yn chiow ma efod, terafim hag imaj? Lemmyn ytho ombrederewgh pandr'a wrewgh.’