Zekaria 10:12 - An Bibel Kernewek 20234 (Kernewek Kemmyn)

¹² My a wra aga nertha y'n Arloedh, hag yn y hanow ev i a gerdh a-dro, yn-medh an Arloedh.

Zekaria 10:12 Iomraidhean Croise

Jenesis 24:40

Hag yn-medh ev dhymm, “An Arloedh, mayth esov ow kerdhes dheragdho, a dhannvon y el genes, ha ty a gemmer gwreg rag ow mab dhiworth ow theylu, ha dhiworth chi ow thas.

Jenesis 5:24

Hag Enok a gerdhas gans Duw ha ny veu moy, rag Duw a'n kemmeras.

Ysay 2:5

Chi Yakob, dewgh, kerdhyn ni yn golow an Arloedh.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Ezekiel 30:24

My a grevha breghow myghtern Babylon ha gorra ow kledha yn y leuv; mes my a derr breghow Faro, hag i a gyn a-ragdho kepar dell gyn den ledhys.

Mika 4:5

Rag an poblow oll a gerdh, pubonan yn hanow y dhuw; mes ni a gerdh yn hanow an Arloedh agan Duw ni, bys vykken ha bynnari.

Zekaria 10:6

My a wra nertha chi Yuda ha selwel chi Yosep. My a wra aga restorya, rag my a gemmer truedh anedha. I a vydh kepar ha pan na wrugavy aga skonya; rag yth ov vy an Arloedh aga Duw, ha my a wra aga gorthybi.

Zekaria 12:5

Ena kordhow Yuda a lever yn aga holonn, ‘Trigoryon Yerusalem yw nerth dhymm, der Arloedh an luyow aga Duw.’

Efesianys 6:10

Wor'tiwedh, bedhewgh krev y'n Arloedh, hag y'n nerth a'y alloes.

Filippianys 4:13

My a yll gul pup-tra dredho ev neb a re dhymm nerth.

Kolossianys 2:6

Rakhenna, dell dhegemmersowgh Krist Yesu an Arloedh, gwrewgh kerdhes ynno,

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

1 Thessalonianys 2:12

orth agas ynnia ha'gas kennertha, ha'gas konjorya may hwrellewgh kerdhes gwiw dhe Dhuw usi orth agas gelwel dh'y wlaskor ha'y splannder.

1 Thessalonianys 4:1

Wor'tiwedh ytho, a vreder, ni a'gas pys ha keski y'n Arloedh Yesu, kepar dell dhegemmersowgh dhiworthyn ni fatell goedh dhywgh kerdhes ha plegya dhe Dhuw, kepar dell gerdhowgh dhe wir, may palshahowgh dhe voy.

2 Timothi 2:1

Ty, ow flogh, bydh nerthek gans y'n gras usi yn Krist Yesu;