Zekaria 10:11 - An Bibel Kernewek 20234 (Kernewek Kemmyn)

¹¹ I a wra tremena dre vor a ankres, ha gweskel an tonnow y'n mor hag oll downderyow an avon a vydh sygh. Goeth Assyria a vydh uvelhes, ha gwelenn Ejyp a dremen dhe-ves.

Zekaria 10:11 Iomraidhean Croise

Jenesis 8:1

Mes Duw a borthas kov a Noy hag oll an bestes, hag oll an chatel esa ganso y'n gorhel ha Duw a wrug dhe wyns tremena war an nor ha bashes veu an dowrow.

2 Myghternedh 2:14

Ev a gemmeras mantell Elias a goedhsa a-dhiworto ha gweskel an dowr ha leverel, ‘Ple'ma an Arloedh, Duw Elias?’ Pan y'n gweskis. an dowr a veu diberthys dhe'n eyl tenewen ha dh'y gila hag Elisha eth a-dreus.

2 Myghternedh 2:8

Elias a gemmeras y vantell hag ev a's rolyas ha frappya an dowrow gensi. An dowr a veu diberthys dhe'n eyl tenewen ha dh'y gila mayth eth an dhew a-dreus war dir sygh.

Ezra 6:22

ha solempnya goel an bara heb goell dres seyth dydh gans lowena, rag an Arloedh a's lowenhas, ha treylya kolonn myghtern Asshur dhedha, rag aga gweres yn ober chi Duw, Duw Ysrael.

Salmow 114:3

An mor a welas henna, ha fia; an Yordan a dreylyas war-dhelergh.

Salmow 114:5

Pandr'a hwer dhis, A vor, ty dhe fia, ty, Yordan, dhe dreylya war-dhelergh?

Ysay 14:25

dhe derri Assyria y'm tir, ha'y drettya yn-dann dreys war ow menydhyow; Y yew a vydh kemmerys dhiwarnedha, ha'y vegh a vydh kemmerys a-dhiwar aga skoedh.

Ysay 19:16

Y'n jydh na Ejyp a vydh avel benynes. I a gren rag own, a-rag leuv Arloedh an luyow, a wra ev hy shakya er aga fynn.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Ysay 44:27

neb a lever dhe'n keynvor, ‘Bydh sygh! ha my a sygh agas avonyow’;

Ysay 51:10

A ny veu ty hag a syghas an mor, dowrow an keynvor; neb a wrug downder an mor fordh may tremenna an re dasprenys warnedhi?

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Ezekiel 30:13

Yndellma y lever an Arloedh Duw: My a dhistru idolys ha ri diwedh dhe'n imajys yn Nof. Ny vydh na fella pennsevik yn pow Ejyp; ha my a worr own yn pow Ejyp.

Sefania 2:13

Hag ev a ystynn y leuv erbynn an kledh ha distrui Assyria, ha gul Nineve yn difeyth, sygh kepar ha'n gwylvos.

Diskwedhyans 16:12

Ha'n hweghves a skoellyas y fiol war an avon vras Ewfrates; ha'y dowr a veu syghys may halla bos pareusys fordh an vyghternedh dhiworth an howldrevel.