Zekaria 10:1 - An Bibel Kernewek 20234 (Kernewek Kemmyn)

¹ Govynnewgh glaw orth an Arloedh yn termyn an glaw diwedhes. An Arloedh a wra kommol tewedh; ev a re kowasow glaw dhedha, ha dhe bubonan ev a re gwels y'n gwel.

Zekaria 10:1 Iomraidhean Croise

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

Job 29:23

I a'm gorta kepar ha glaw; igerys aga ganow kepar ha rag an glaw yn gwenton.

Salmow 104:13

Ev a dhowrha an menydhyow dhiworth y jambouryow; an nor yw lenwys a frut dha oberow.

Salmow 135:7

Ev a wra dhe'n kommol yskynna dhiworth penn an nor; ev a wra lughes rag an glaw, ow tri an gwynsow yn-mes a'y dresorvaow.

Salmow 65:9

Ty a vir orth an nor ha'y dhowra, ty a wra dh'y feythter ynkressya; avon Duw yw leun a dhowr; ty a brovi ys ragdha, rag yndella ty re'n darbaris.

Salmow 72:6

Re dhiyskynno avel glaw war an gwels goera, avel kowasow a dhowrha an dor.

Lavarow Koth 16:15

Yma bewnans yn golow fas myghtern, ha'y favour yw haval dhe gommol a dheg glaw an gwenton.

Ysay 30:23

Ev a re glaw rag dha has a hesydh y'n dor, ha bara, askorr an dor, a vydh tew ha pals. Y'n jydh na dha jatel a beur yn peurva efan;

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ysay 5:6

My a's gwra difeyth; ny vydh skethrys, na ny vydh kravellys, mes spedhas ha spern a dyv ena. My a wra gorhemmynn dhe'n kommol ma na rollons glaw warnedhi.

Yeremia 10:13

Orth son y lev, yma tervans dowrow y'n nevow, hag ev a wra niwlow dhe yskynna a bennow an norvys; ev a wra lughes gans glaw, ha dri yn-rag gwynsow a'y dresorvaow.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 5:24

Ny leverons yn aga holonn, ‘Gwren ni perthi own a'n Arloedh agan Duw, neb a re an glaw, ha'n kynsa ha'n diwettha, yn y dermyn: ev a with ragon seythunyow ordenys an drevas.’

Yeremia 51:16

Pan dhrehav y lev yma tervans dowrow y'n nevow, hag ev a wra niwl dhe sevel a-dhiworth pennow an nor. Ev a wra lughes gans an glaw, hag ev a dhre gwyns yn-mes a'y dresoryow.

Ezekiel 34:26

My a wra dhedha i ha'n tylleryow a-dro dhe'm bre bos bennath; ha my a dhannvon glaw yn-nans yn y seson; i a vydh kowasow a vennath.

Ezekiel 36:37

Yndellma y lever an Arloedh Duw: Ynwedh my a as dhe ji Ysrael govynn orthiv dhe wul hemma ragdha: dhe voghhe aga thus kepar ha flokk.

Hosea 10:12

Hesewgh dhywgh agas honan yn ewnder, mysewgh yn tregeredh, hag aras gwrewgh agas gweres anerys; prys yw dhe hwilas an Arloedh, bys may teffo ha gul dhe wiryonedh koedha warnowgh avel glaw.

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Amos 4:7

Hag ynwedh my a skonyas a ri dhywgh an glaw, ha tri mis hwath gesys kyns an drevas; ha my a wrug glaw dhe goedha war unn sita ha ny wrugavy glaw dhe goedha war sita arall; war unn park glaw a goedh, ha'n park na gavas glaw a wedhras;

Mika 5:7

Ena remenant Yakob yn mysk lies pobel, a vydh avel gluth a'n Arloedh, avel kowasow war an gwels, na's teves govenek yn gour na ny wortons mebyon den.

Yowann 16:23

Hag y'n jydh na ny wrewgh govynn orthiv travyth. Yn hwir, yn hwir y lavarav dhywgh, pypynag a wovynnowgh a'n Tas y'm hanow vy, ev a'n re dhywgh.

1 Korinthianys 3:6

My a blansas, Apollos a dhowras, mes Duw a wrug dhe devi.

Dewteronomi 28:23

Dha ebron a-ugh dha benn a vydh brons, ha'n dor yn-dannos a vydh horn.

Jamys 5:7

Ytho, perthewgh, a vreder bys yn devedhyans an Arloedh. Otta, an tiek a worta frut drudh an dor, meur y berthyans yn y gever, erna dhegemmerro an glaw a-varr ha'n glaw diwedhes.