Zekaria 1:8 - An Bibel Kernewek 20234 (Kernewek Kemmyn)

⁸ Y'n nos my a viras, hag otta gour ow marghogeth war vargh rudh, ow sevel yn mysk an myrtwydh yn kownans, hag a-dryv dhodho mergh rudh, gorm ha gwynn.

Zekaria 1:8 Iomraidhean Croise

Jenesis 20:3

Mes Duw a dheuth dhe Abimelek yn hunros yn nos ha leverel dhodho, ‘Awotta, den marow osta, drefenn an venyn re wruss'ta kemmeres; rag demmedhys yw hi dhe wour.’

Jenesis 46:2

Ha Duw a gewsis orth Ysrael dre welesigethow y'n nos ha leverel, ‘Yakob, Yakob.’ Hag yn-medh ev, ‘Ottavy.’

1 Myghternedh 3:5

Yn Gibeon an Arloedh a omdhiskwedhas dhe Solomon yn hunros yn nos: ha Duw a leveris, ‘Govynn orthiv an pyth a vynnydh my dhe ri dhis.’

Nehemia 8:15

ha may teklarryens ha dyllo yn oll aga threvow hag yn Yerusalem, ow leverel, ‘Kewgh yn-mes war an menydhyow ha kyrghewgh skorrennow a oliv, oliv gwyls, myrtwydh, palm ha gwydh delyek arall rag gul skovvaow, dell yw skrifys.’

Job 4:13

Yn mysk prederow anes dhiworth gwelesigethow an nos, pan goedh kosk down war dus,

An Gan a Ganow 2:16

Ow haradow yw dhymmo vy, ha dhodho ev yth ov vy, ev a besk yn mysk an lili.

An Gan a Ganow 6:2

Y hwrug ow haradow mos yn-nans dh'y lowarth, dhe vleujyowegi an spisys, rag peuri y flokk y'n lowarthyow, ha kuntell lili.

Ysay 41:19

My a worr y'n difeythtir an kederwydh, an akasia, an myrtwydh ha'n olewbrenn. My a worr y'n difeythtir meryw, an platan ha'n kypres war-barth,

Ysay 55:13

Yn le an spern y hwra tevi merywenn, yn le an linas y hwra tevi akasia; ha henna a vydh kov dhe'n Arloedh, avel tokyn heb fin, na vydh treghys dhe-ves.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Daniel 2:19

Ena y feu displetys an kevrin dhe Daniel dre welesigeth yn nos. Ena Daniel a vennigas Duw nev.

Daniel 7:13

My a welas yn gwelesigethow an nos, ottena yn mysk kommol an nev yth esa onan avel Mab an den ow tos; ev a dheuth bys y'n Koth a'n dydhyow hag i a'n hembronkas yn y ogas.

Daniel 7:2

Daniel a leveris: My a welas y'm gwelesigeth y'n nos, hag ottena an peswar gwyns a nev ow kul freudh y'n mor bras;

Zekaria 1:10

Ena an gour esa ow sevel yn mysk an myrtwydh a worthybis, ‘I yw an re a wrug an Arloedh aga dannvon dhe wandra der an norvys.’

Zekaria 1:11

Hag i a worthybis dhe el a'n Arloedh esa ow sevel yn mysk an myrtwydh ha leverel, ‘Ni re wandras der an norvys, hag awotta, oll an norvys a esedh yn kosoleth.’

Zekaria 1:7

Y'n peswora dydh warn ugens a'n unnegves mis, yw mis Shebat, y'n nessa blydhen a Darius, ger an Arloedh a dheuth dhe'n profoes Zekaria mab Berekia, mab Ido, ow leverel,

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Niverow 12:6

Hag ev a leveris, ‘Klewewgh ow geryow: Mars eus profoes yntredhowgh, my an Arloedh a vydh aswonnys dhodho yn gwelesigeth, my a gews orto yn hunros.

Yoshua 5:13

Pan esa Yoshua ryb Yeriko, ev a dhrehevis y dhewlagas ha gweles gour ow sevel a-dheragdho gans y gledha tennys yn y dhorn. Yoshua eth dhodho ha leverel dhodho, ‘Osta ragon ni po rag agan eskerens?’

Diskwedhyans 2:1

‘Dhe el an eglos yn Efesus skrif: Neb a syns an seyth sterenn yn y dhorn dhyghow ha kerdhes yn mysk an seyth kantoler owrek a lever an taklow ma:

Diskwedhyans 6:2

Ha my a welas, hag otta, margh gwynn, ha gwarak gans neb o esedhys warnodho, ha kurun a veu res dhodho, hag ev eth dhe-ves ow fetha ha dhe fetha.

Diskwedhyans 6:4

Ha margh arall eth yn-mes, onan rudh, ha grontys veu dhe neb o esedhys warnodho kemmeres kres yn-mes a'n norvys, may latthens i an eyl y gila, ha kledha meur a veu res dhodho.