Zekaria 1:6 - An Bibel Kernewek 20234 (Kernewek Kemmyn)

⁶ Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Zekaria 1:6 Iomraidhean Croise

2 Myghternedh 15:12

Ambos an Arloedh o hemma, a ros dhe Yehu, ‘Dha vebyon a esedh war dron Ysrael bys y'n peswora henedh.’ Hag yndella y hwarva.

Job 6:29

Treylyewgh, my a'gas pys, na vedhes kammhynseth gwrys. Dasprederewgh lemmyn, mater a'm glander yw.

Ysay 21:17

Remenant an waregoryon, kasoryon mebyon Kedar, a vydh boghes; rag an Arloedh, Duw Ysrael, re gewsis.

Ysay 44:26

neb a surha ger y was, hag a gowlwra kusul y gannasow; neb a gews a Yerusalem, ‘Hi a vydh annedhys’, hag a-dro dhe sitys Yuda, ‘I a vydh drehevys, ha my a dhastrehav aga magoryow’;

Ysay 55:1

Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Ysay 55:11

yndella y fydh ow ger hag a dheu dhiworth ow ganow; ny dhehwel dhymm gwag, mes ev a gowlwra ow bodh, hag a sewen y'n dra may hwrugavy y dhannvon ragdho.

Yeremia 23:20

Ny dreyl sorr an Arloedh dhe-ves bys pan wra ev kompoesa ha kowlwul towlow y golonn. Y'n dydhyow diwettha hwi a'n konvedh yn kler.

Yeremia 26:15

Mes godhvydhewgh yn sur, mara'm gorrowgh dhe'n mernans, hwi a dhre goes gwiryon warnowgh agas honan ha war an sita ma ha'y annedhysi, rag yn gwiryonedh an Arloedh re'm dannvonas dhe gewsel oll an geryow ma yn agas skovornow.’

Yeremia 28:17

Ytho, Hanania an profoes a verwis y'n keth vlydhen y'n seythves mis.

Yeremia 32:24

Otta, krugow an gweythyow-esedhva re dheuth dhe'n sita dh'y hemmeres; ha'n sita yw gorrys yn leuv an Kaldeanys a omladh er hy fynn, drefenn an kledha, ha drefenn an divoetter, ha drefenn an pla. Ha'n pyth re gewssys re hwarva; hag otta, ty a'n gwel.

Yeremia 36:28

Kemmer ken rol-skrifa ha skrif warnedhi oll an geryow kyns esa y'n kynsa rol-skrifa a loskas Yehoyakim myghtern Yuda.

Yeremia 39:16

Ke ha kewsel dhe Ebed-melek an Ethiopek, ow leverel, Yndellma y lever Arloedh an luyow, Duw Ysrael: Otta, my a dhre ow ger war an sita ma rag drog, a-der rag da, hag i a vydh kollenwys a-ragowgh y'n jydh na.

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Yeremia 44:2

Yndellma y lever Arloedh an luyow, Duw Ysrael: Hwi re welas oll an anfeusi a dhres war Yerusalem hag oll sitys Yuda. Hag otta, hedhyw ynyal yns, ha heb annedhyas ynna,

Yeremia 44:28

Ha'n re a dhienk a'n kledha a dhehwel yn-mes a bow Ejyp dhe bow Yuda, boghes aga niver; hag oll remenant Yuda, yw gyllys dhe driga yn pow Ejyp, a wra godhvos pyneyl yw an ger a sev, ow ger vy po aga ger i.

Yeremia 44:29

Hemma a vydh an tokyn dhywgh, yn-medh an Arloedh, my dh'agas kessydhya y'n tyller ma, rag may hwodhvowgh y fydh ow geryow er agas pynn kompoesys yn sur:

Yeremia 44:6

Ytho ow sorr hag ow honnar a veu dinewys hag enowys yn trevow Yuda ha stretow Yerusalem; hag i yw gwastys hag ynyal kepar hag y'n jydh hedhyw.

Yeremia 5:14

Rakhenna yndellma y lever an Arloedh, Duw an luyow, Drefenn hwi dhe gewsel an ger ma, otta, my a wra ow geryow tan yn dha anow, ha'n bobel ma prenn, ha'n tan a wra aga devorya.

Kynvannow 1:18

Gwiryon yw an Arloedh, drefenn ow bos diwostydh erbynn y anow; klewewgh, my a'gas pys, hwi boblow oll, ha mirewgh orth ow galar; ow gwyrghesow ha'm gwer yowynk res eth yn kethneth.

Kynvannow 2:17

An Arloedh re wrug y vynnas, ev re gowlwrug y lavar; kepar dell ordenas seuladhydh; ev re dorras heb truedh; ev a wrug dhe'n eskerens lowenhe warnas, ev re dhrehevis korn dha eskerens.

Kynvannow 3:42

Ni re gammdremenas ha rebellya; mes ty, ny wrussys gava.

Ezekiel 20:43

Ena hwi a berth kov a'gas fordhow, hag oll agas drogoberow may fewgh defolys dredha; ha kasadow dhywgh agas honan a vydh oll agas drogoberow a wrussowgh.

Ezekiel 37:11

Ena yn-medh ev dhymm, ‘A vab den, an eskern ma yw chi Ysrael oll yn tien. Otta, i a lever, “Sygh yw agan eskern, ha kellys yw agan govenek. Treghys dhe-ves on ni.”

Daniel 4:28

Oll hemma a goedhas war Nebukadnessar an myghtern.

Hosea 5:9

Efraym a vydh ynyal yn dydh an geredh. Yn mysk loethow Ysrael deklarya a wrav an pyth yw sur.

Hosea 9:15

Yma oll aga droktra yn Gilgal; ena my a's kasas. Drefenn aga drogoberow, my a wra aga fesya a'm chi. Ny wrav vy aga hara namoy; oll aga fennsevigyon yw penn-kales.

Amos 9:10

Oll peghadoryon ow fobel a verow gans an kledha, neb a lever, ‘Drog ny dheu nes dhyn, na ny dhrehedh dhyn.’

Zekaria 1:7

Y'n peswora dydh warn ugens a'n unnegves mis, yw mis Shebat, y'n nessa blydhen a Darius, ger an Arloedh a dheuth dhe'n profoes Zekaria mab Berekia, mab Ido, ow leverel,

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Niverow 32:23

Mes mar ny wrewgh yndellma, otta, hwi re beghas erbynn an Arloedh; ha bedhewgh sur, agas pegh a wra agas diskevra.

Niverow 33:56

Ha my a wra dhywgh hwi par dell dybis gul dhedha i.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Dewteronomi 28:15

Mes mar ny woslowydh orth lev an Arloedh dha Dhuw, ow kwitha hag ow kul oll y worhemmynnow ha'y ordenansow esov orth aga gorhemmynna dhis hedhyw, ena y tons warnas oll an mollothow ma, hag i a dremen dresos.

Dewteronomi 28:2

Hag oll an bennathow ma a dheu warnas ha tremena dresos, mar koslewydh lev an Arloedh dha Dhuw.

Dewteronomi 28:20

An Arloedh a dhannvon warnas molleth, ha skruth, ha keredh yn pup-tra may hworrydh dha leuv warnodho bys pan vydhydh distruys, ha bys pan edh dhe goll yn tromm, drefenn droktra dha wryth, orth ow forsakya.

Dewteronomi 28:45

Oll an mollothow ma a dheu warnas, ha'th pursiwya ha tremena dresos bys pan vydhydh distruys, rag ny woslewsys orth lev an Arloedh dha Dhuw ha gwitha y worhemmynnow ha'y ordenansow a worhemmynnis dhis.

1 Thessalonianys 5:4

Mes nyns esowgh hwi, a vreder, yn tewlder, may hwrello an jydh agas kavoes kepar ha lader.