Zekaria 1:5 - An Bibel Kernewek 20234 (Kernewek Kemmyn)

⁵ Agas tasow, ple'mons i? Ha'n brofoesi, a vewons bys vykken?

Zekaria 1:5 Iomraidhean Croise

2 Myghternedh 13:14

Pan eth Elisha yn klav gans an kleves may ferwis anodho, Yehoash myghtern Ysrael a dheuth yn-nans dhodho hag oela a-ragdho, ha leverel, ‘A ow thas, ow thas! Charett Ysrael ha'y varghogyon!’

2 Myghternedh 13:20

Elisha a verwis hag i a'n ynkleudhyas. Bagasow a Moabysi a wre omsettyansow war an tir orth dalleth an vlydhen.

Salmow 90:10

Dydhyow agan blydhynyow yw deg blydhen ha tri-ugens; po dre reson krevder peswar-ugens blydhen, byttegyns nyns yw aga nerth marnas poenvos hag ahwer; rag hware y hedh, ha gyllys on ni dhe goll.

Ekklesiastes 1:4

Henedh a dremen ha henedh a dheu, mes an norvys a dhur bynitha.

Ekklesiastes 12:5

hag ynwedh i a berth own a'n dra yw ughel hag a beryllow y'n fordh; ha'n alamandwydhenn a vleujyow, ha'n kulyek-reden a dheu ha bos syger, ha frut an kaper a gyll y nerth; pan vydh den ow mos dh'y ji heb diwedh, ha'n gynoryon a wra mos a-derdro y'n stret;

Ekklesiastes 12:7

ha'n doust a dhehwel dhe'n dor kepar dell o, ha'n spyrys a dhehwel dhe Dhuw neb a'n ros.

Yeremia 36:28

Kemmer ken rol-skrifa ha skrif warnedhi oll an geryow kyns esa y'n kynsa rol-skrifa a loskas Yehoyakim myghtern Yuda.

Kynvannow 5:7

Agan tasow re beghas, ny vewons hwath; ni re beu beghys gans aga drogoberow.

Yowann 8:52

Ena yn-medh an Yedhewon dhodho, ‘Lemmyn ni a woer bos dyowl genes. Abraham a verwis, ha'n brofoesi, ha ty a lever, “Piwpynag a wittho ow ger, ny wra ev tastya mernans bynitha.”

Oberow 13:36

Rag Davydh, wosa ev dhe servya bodh Duw yn y henedh y honan, a goskas hag a veu gorrys gans y dasow hag a welas podredhes.

Ebrowyon 9:27

Ha poran dell yw ordenys dhe dus merwel unnweyth, ha wosa henna breus,

1 Samuel 25:1

Samuel a verwis; hag oll Ysrael a omguntellas ha kyni ragdho, ha'y ynkleudhyas yn y ji yn Rama. Ena Davydh a sevis ha mos yn-nans dhe wylvos Paran.