Ysay 1:8 - An Bibel Kernewek 20234 (Kernewek Kemmyn)

⁸ Myrgh Sion yw gesys avel skovva yn gwinlann, avel krow yn gwel kukumbrow, avel sita yn-dann esedhva.

Ysay 1:8 Iomraidhean Croise

Job 27:18

An chi a dhrehav yw kepar ha gwias kevnis, kepar ha krow gwrys gans goelyador.

Salmow 9:14

rag may teriffiv oll dha wormola yn porthow myrgh Sion; my a lowenha y'th selwyans.

Ysay 1:7

Agas tir yw ynyal, agas sitys leskys gans tan; yn agas lok estrenyon a dhevor agas tir, hag ynyal yw, kepar dell ve domhwelys gans estrenyon.

Ysay 1:9

Mar ny assa dhyn Arloedh an luyow remenant byghan, y tothyen ni ha bos avel Sodom, y fien haval dhe Gomorra.

Ysay 10:32

Poran an jydh ma ev a worta yn Nob ha shakya y dhorn erbynn menydh myrgh Sion, erbynn brenn Yerusalem.

Ysay 29:3

My a wra kampya a-derdro er dha bynn, ha gul esedhva er dha bynn gans touryow ha drehevel tommennow er dha bynn.

Ysay 30:17

Mil a fi a-rag godros onan; rag godros pymp hwi a fi, bys may fowgh gesys avel gwelenn-vaner war benn menydh, avel tokyn war vre.

Ysay 37:22

hemm yw an ger re gewsis an Arloedh er y bynn: ‘Hi a'th tispres, hi a'th skorn – an wyrghes, myrgh Sion; myrgh Yerusalem re shakyas hy fenn war dha lergh.

Ysay 37:4

Martesen an Arloedh dha Dhuw a glew geryow an Rabshake a wrug y vester myghtern Assyria dannvon dhe wul ges a'n Duw bew, hag ev a geredh an geryow re glewas an Arloedh dha Dhuw. Rakhenna drehav pysadow rag an remenant yw gesys.’

Ysay 4:4

wosa an Arloedh dhe wolghi dhe-ves kawgh myrghes Sion, ha glanhe goes Yerusalem yn-mes anedhi dre spyrys breus ha spyrys loskvann.

Ysay 49:21

Ena ty a lever y'th kolonn, ‘Piw re dhineythis an re ma ragov? My re gollas ow fleghes, hag anvap en, divres ha gorrys dhe-ves; ytho piw re vagas an re ma? Otta, gesys veuv ow honan. An re ma, a-ble teuthons?’

Ysay 62:11

Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Ysay 8:8

hi a dremen dre Yuda avel liv ha drehedhes bys an konna; hag ystynnans hy eskelli a lenow les dha dir, Immanuel.

Yeremia 4:17

Avel gwithysi park, ymons i a-dro dhedhi; drefenn i dhe vos diwostydh er ow fynn, yn-medh an Arloedh.

Yeremia 6:2

My re hevelebis myrgh Sion dhe beurva fethus.

Kynvannow 2:1

Assa wrug an Arloedh yn y sorr dhe vyrgh Sion bos kudhys gans kommol! ev re dewlis yn-nans dhiworth nev bys yn nor an splannder a Ysrael; ny borthas ev kov a'y skavell-droes yn dydh y sorr.

Kynvannow 2:6

Ev re ravnas y skovva kepar ha lowarth, ev re dhistruis y dabernakel; an Arloedh re wrug dhe woel ha sabot bos ankevys yn Sion, ha fell y sorr ev re dhispresyas myghtern hag oferyas.

Zekaria 2:10

Kan ha lowenha, A Vyrgh Sion, rag awotta, yth esov vy ow tos, ha my a wra triga y'th fysk, yn-medh an Arloedh.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Yowann 12:15

‘Na gemmer own, myrgh Sion; otta, dha vyghtern a dheu, esedhys war ebel asen.’