Ysay 1:6 - An Bibel Kernewek 20234 (Kernewek Kemmyn)

⁶ A wodhen an troes bys an penn, nyns eus yeghes ynno, mes brewyon, kreythennow, ha goliow podrek; ny vons glanhes na lystennys na medhelhes gans oyl.

Ysay 1:6 Iomraidhean Croise

2 Samuel 14:25

Mes yn oll Ysrael nyns esa denvyth moy kanmelys rag y dekter ages Absalom; dhiworth godhen y droes bys yn gwartha y benn nyns esa namm vyth ynno.

Job 5:18

Rag ev a woli, hag ev a lystenn; ev a wysk, ha'y dhiwleuv a saw.

Salmow 77:2

Yn dydh ow anken my a hwilas an Arloedh; ow leuv o ystynnys y'n nos, ha nyns o skwith; ow enev a skonyas a gavoes hebaska.

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Yeremia 17:9

An golonn yw fel dres pup-tra, ha drog dres remedi: piw a's aswonn?

Yeremia 30:12

Rag yndellma y lever an Arloedh: Ny yll dha vrew bos yaghhes, ha'th woli yw ankensi.

Yeremia 30:15

Prag y kriydh drefenn dha derroes? Heb remedi yw dha bayn Drefenn bos meur dha anewnder, drefenn dha beghosow dhe ynkressya, my re wrug an traow ma dhis.

Yeremia 33:6

Otta, my a dhre dhedha sawment ha yaghheans; my a's saw ha diskwedhes dhedha palster a gres ha gwiryonedh.

Yeremia 6:14

I re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Yeremia 6:7

Dell wra puth gwitha y dowrow govynn, yndellma hi a gwith yr hy thebelwrians: freudh ha diswrians yw klewys ynni; yma galar ha goliow prest a-ragov.

Nahum 3:19

Nyns eus sawment dhe'th pystik, heb eli yw dha vrew; myns a glew dha nowodhow a dak diwla dresos; rag piw eus, ma na dremenas warnodho dha dhroktra pub eur oll?

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Matthew 9:12

Pan y'n klewas ev a worthybis, ‘Nyns eus edhomm a vedhek dhe dus yagh, saw dhe glevyon.

Luk 10:34

ha mos dhodho ha lystenna y woliow, ow tiveri warnedha oyl ha gwin. Ena ev a'n settyas war y asen y honan, ha'y worra dhe hostleri ha'y witha.