Yowann 9:31 - An Bibel Kernewek 20234 (Kernewek Kemmyn)

³¹ Ni a woer na glew Duw peghadoryon, mes mars yw den gordhyer a Dhuw, hag ow kul y volonjedh, ev a wra y glewes.

Yowann 9:31 Iomraidhean Croise

Jenesis 19:29

Ha pan dhistruis Duw sitys an plen, Duw a borthas kov a Abraham ha dannvon Lot yn-mes a gres an domhwelyans pan dhomhwelas an sitys mayth esa Lot trigys a-bervedh ynna.

Jenesis 20:7

Lemmyn ytho, daskorr y wreg dhe'n gour, rag profoes yw ev, hag ev a bys ragos, ha ty a vew. Mes mar ny wredh hy daskorr, gwra godhvos ty dhe verwel yn sur, ty ha myns eus dhis.’

Job 35:12

I a gri, mes ny worthyp ev, drefenn goeth drogoberoryon.

Job 35:13

Yn sur ny glew Duw kri gwag, ny wra an Ollgalloesek vri anodho.

Job 42:8

Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Salmow 106:23

Rakhenna ev a leveris y hwrussa aga diswul, na saffa Moyses y dhewisys a-dheragdho y'n aswa, rag treylya y sorr dhe-ves ma na's diswrello.

Salmow 143:10

Dysk dhymm gul dha vodh, rag ty yw ow Duw. Gwres dha Spyrys kuv ow hembronk yn tir kompes.

Salmow 145:19

Ev a gollenow bodh an re a berth own anodho, hag ev a glew aga kri, hag ev a's selow.

Salmow 18:41

I a grias, mes nyns esa nagonan dh'aga selwel, war an Arloedh, mes ny worthybis dhedha.

Salmow 40:8

My re vynnas gul dha volonjedh, ow Duw, yma dha lagha yn kres ow holonn.

Salmow 99:6

Moyses hag Aron yn mysk y oferysi, ha Samuel yn mysk an re a elow war y hanow. I a elwis war an Arloedh hag ev a worthybis dhedha.

Lavarow Koth 15:29

Yma an Arloedh pell dhiworth an debeles, mes ev a glew pysadow an re wiryon.

Lavarow Koth 21:13

Neb a dhege y dhiwskovarn orth kri an boghosek, ev ynwedh a gri heb bos klewys.

Lavarow Koth 28:9

Mar treyl nebonan y skovarn ma na glewo an lagha, y bysadow yw tra gasadow hogen.

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Ysay 58:9

Ena ty a elow, ha'n Arloedh a worthyp; ty a gri rag gweres hag ev a lever, Awotta vy. Mar kemmerydh dhe-ves an yew a dhiworthis, ystynnans an bys, ha kows spitus;

Yeremia 11:11

Rakhenna yndellma y lever an Arloedh, Otta, my a dhre drogedh warnedha, ma na yllons diank anodho; ha kyn krions warnav, ny woslowav orta.

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Ezekiel 8:18

Ytho my a ober yn sorr; ny gemmer ow lagas truedh na ny's sparyav. Kyn krions y'm diwskovarn gans lev ughel ny woslowav orta.’

Mika 3:4

Ena, i a gri dhe'n Arloedh mes ny wra ev gorthybi dhedha; ev a gudh y fas a-dhiworta an prys na, drefenn i dhe wul aga drog weythresow.

Zekaria 7:13

Pan elwis ev, ny woslowsons i. Ytho pan alwsons, ny woslewis vy, yn-medh Arloedh an luyow.

Yowann 11:22

Mes lemmyn ynwedh my a woer, pypynag a wovynni a Dhuw, Duw a'n re dhis.’

Yowann 15:16

Ny wrussowgh hwi ow dewis vy, mes my re'gas dewisas hwi, ha'gas apoyntya mayth yllowgh ha doen frut, ha may hwrello agas frut durya; may rollo ow Thas dhywgh pypynag a wovynnowgh dhiworto y'm hanow vy.

Yowann 4:34

Yn-medh Yesu dhedha, ‘Ow boes vy yw, my dhe wul bolonjedh neb a'm dannvonas ha dhe gowlwul y ober ev.

Yowann 7:17

Mar mynn nebonan gul y volonjedh, ev a woer a-dro dhe'n dyskas, pyneyl y vos a Dhuw, po my dhe gewsel a'm awtorita ow honan.

Yowann 9:30

An den a worthybis ha leverel dhedha, ‘Yma tra varthys yn hemma, na wodhowgh a by le'ma; mes ev a igoras ow dewlagas.

Yowann 9:32

A dhalleth an bys, ny veu klewys denvyth dhe igeri dewlagas den neb a veu genys dall.

Dewteronomi 1:45

Ha hwi a dhehwelis hag oela a-rag an Arloedh, mes an Arloedh ny woslowas orth agas lev na'gas klewes.

Ebrowyon 10:7

Ena y leveris vy, “Otta, deuvev, may hwrylliv dha vodh, a Dhuw”, dell yw skrifys ahanav yn rol an lyver.’