Yowann 9:22 - An Bibel Kernewek 20234 (Kernewek Kemmyn)

²² Y gerens a leveris hemma rag bos own dhedha a'n Yedhewon; rag an Yedhewon a wrussa ervira war-barth seulabrys, piwpynag a gonfessa ev dhe vos Krist dhe vos emskemunys a'n synaga.

Yowann 9:22 Iomraidhean Croise

Lavarow Koth 29:25

Own den a sett antell, mes neb a drest y'n Arloedh yw saw.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Ysay 51:7

Goslowewgh orthiv, hwi hag a woer ewnder, hwi bobel a's teves ow dyskans yn agas kolonn; na berthewgh own a'n geredh a dus, ha na bedhewgh digolonnek drefenn aga despit.

Ysay 57:11

Piw re berthsys own ha dout anodho, may leversys gow, ha na berthsys kov ahanav na worra hemma y'th kolonn? A nyns yw rag my dhe dewi a hirneth, ytho ny berthydh own ahanav?

Luk 6:22

‘Gwynn agas bys pan wra tus agas kasa, ha pan wrons agas keas mes ha despitya ha tewlel agas hanow yn-mes avel drogoberoryon, a-barth Mab an den;

Yowann 1:19

Ha hemm yw dustuni Yowann, pan dhannvonas an Yedhewon oferysi ha Levysi dhodho dhiworth Yerusalem, dhe wovynn orto, ‘Piw osta?’

Yowann 16:2

I a wra agas emskemuna a'n synaga; mes an eur a dheu pan dyb peub a wra agas ladha, ev dhe brofya gordhyans dhe Dhuw.

Yowann 19:38

Wosa hemma, Yosep a Arimathea, onan a dhyskyblon Yesu, mes yn priva rag own a'n Yedhewon, a bysis Pilat may kemmerra korf Yesu. Ha Pilat a ros kummyas. Ytho ev a dheuth ha kemmeres y gorf.

Yowann 20:19

Ena yn gorthugher an keth jydh ma, an kynsa dydh a'n seythun, ha'n darasow deges le mayth esa an dhyskyblon rag own a'n Yedhewon, Yesu a dheuth ha sevel yn aga mysk, ha leverel dhedha, ‘Kres dhywgh.’

Yowann 7:13

Byttegyns ny gewsi denvyth yn apert yn y gever, rag own a'n Yedhewon.

Yowann 9:18

Mes ny grysis an Yedhewon a-dro dhodho, y fia dall ha daskavoes y wolok, bys pan alwsons kerens an den a dhaskavas y wolok.

Yowann 9:21

mes ny wodhon fatell wel lemmyn, na piw a igoras y dhewlagas; govynnewgh orto, tevesik yw; ev a yll gewsel anodho y honan.’

Yowann 9:34

I a worthybis ha leverel dhodho, ‘Ty a veu genys oll yn tien yn peghosow, ha ty a vynn dyski dhyn?’ Hag i a'n tewlis yn-mes.

Yowann 9:35

Yesu a glewas i dh'y dewlel yn-mes, ha pan y'n kavas, yn-medh ev, ‘A grysydh yn Mab an den?’

Oberow 4:18

Hag i a's gelwis hag a erghis dhedha na gowssons na dyski mann yn hanow Yesu.

Oberow 5:13

ha ny vedhas nagonan a'n re erell junya gansa, mes an bobel a's synsis yn enor meur.

Oberow 5:40

ha pan alwsens an abesteli, i a's kronkyas hag erghi dhedha na gowssens yn hanow Yesu, ha'ga livra.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’