Yowann 8:9 - An Bibel Kernewek 20234 (Kernewek Kemmyn)

⁹ Mes an re a'n klewas omdennas onan hag onan, ow talleth gans an henavogyon, ha nyns o gesys saw ev, ha'n venyn a-ragdho.

Yowann 8:9 Iomraidhean Croise

1 Myghternedh 17:18

Hi a leveris dhe Elias, ‘Pyth eus yntredhon ni, A wour Duw? Ty re dheuth dhymm rag dri ow hammweyth dhe gov, ha ladha ow mab!’

1 Myghternedh 2:44

Ynwedh an myghtern a leveris dhe Shimei, ‘Ty a woer y'th kolonn oll an drog a wrussys dhe Davydh ow thas; ytho an Arloedh a attal dha dhrog war dha benn dha honan.

Job 20:27

An nevow a dhiskudh y gammweyth, ha'n norvys a sev er y bynn.

Job 20:5

mayth yw heudh an re dhidhuw berr, hag unn pols byghan yw lowena an debelwas?

Salmow 40:14

Perthens i meth ha bedhens shyndys war-barth, an re a hwila ow enev dh'y dhiswul; bedhens i treylys war-dhelergh ha konfondys an re a lowenha y'm pystik.

Salmow 50:21

An taklow ma re wrussys, ha tewel a wrugavy; ty a brederis my dhe vos avelos jy. Mes my a'th keredh, ha dri kuhudhans er dha bynn.

Salmow 71:13

Perthens i meth ha mos dhe goll, neb yw eskerens ow enev; bedhens i kudhys gans mewl ha disenor, neb a hwila ow fystik.

Ekklesiastes 7:22

Rag ty a woer y'th kolonn, ty dha honan dhe villiga tus erell lieskweyth.

Luk 13:17

Hag ev ow leverel an taklow ma, oll y erbynnoryon a berthi meth, ha'n routh oll a lowenhi drefenn an oberow gloryus gwrys ganso.

Yowann 8:10

Pan sevis, Yesu a leveris dhedhi, ‘Benyn, ple'mons i? A ny'th kuhudhas denvyth?’

Yowann 8:12

Ytho Yesu a gewsis dhedha arta, ow leverel, ‘My yw golow an bys; neb a'm hol, ny gerdh yn tewlder, mes ev a'n jevydh an golow a vewnans.’

Yowann 8:2

Ha myttin a-varr ev a dheuth arta dhe'n tempel, hag oll an bobel a dheuth dhodho; hag ev a esedhas ha dyski dhedha.

Yowann 8:3

Ha'n skribys ha'n Fariseow a dhros dhodho benyn kemmerys ow kul avoutri, ha'y gorra y'n kres.

Yowann 8:8

Hag arta ow plegya dhe'n dor, ev a skrifas y'n dor.

Romanyon 2:15

I a dhiskwa bos skrifys war aga holonn an pyth yw erghys gans an lagha, ha'ga howses ynwedh a dheg dustuni ha'ga thybyans a's kuhudh a-bervedh ynna po martesen a's askus

Romanyon 2:22

Ty hag a lever na wreller avoutri, a wredh jy avoutri? Ty hag a gas imajys, a ledrydh templow?

1 Yowann 3:20

Rag mara'gan kuhudh agan kolonn ni, Duw yw brassa ages agan kolonn, hag a woer pup-tra.