Yowann 8:55 - An Bibel Kernewek 20234 (Kernewek Kemmyn)

⁵⁵ Hwi ny'n aswonnowgh, mes my a'n aswonn; ha mar lavarren, “Ny'n aswonnav”, my a via gowleveryas, avelowgh hwi. Mes my a'n aswonn, ha my a with y er.

Yowann 8:55 Iomraidhean Croise

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Yeremia 9:3

I a bleg aga thaves avel aga gwarak rag gowyow: nyns yns kolonnek rag gwiryonedh war an nor; rag yth ons a dhrogedh dhe dhrogedh, ha ny'm aswonnons, yn-medh an Arloedh.

Hosea 5:4

Aga gweythresow ny's gas dhe dhehweles dh'aga Duw, rag bos spyrys a fornikasyon yn aga mysk, ha ny aswonnons an Arloedh.

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Luk 10:22

Pup-tra re beu kemmynnys dhymm gans ow Thas, ha denvyth ny aswonn piw yw an Mab marnas an Tas, ha piw yw an Tas marnas an Mab, hag ev neb may fynn an Mab y dhiskwedhes dhodho.’

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 10:15

Kepar dell wra an Tas ow aswonn, my ynwedh a aswonn an Tas, ha my a dhaskorr ow bewnans rag an deves.

Yowann 15:10

Mar kwithowgh ow gorhemmynnow, trigewgh y'm kerensa, kepar dell withis vy gorhemmynnow ow Thas ha triga yn y gerensa ev.

Yowann 15:21

Mes oll an taklow ma a wrons dhywgh a-barth ow hanow, rag ny'n aswonnons neb a'm dannvonas.

Yowann 16:3

Ha hemma a wrons rag ny aswonnsons naneyl an Tas na my.

Yowann 17:25

‘A Das gwiryon, ny wra an bys dha aswonn, mes my a'th aswonn, ha'n re ma a woer ty dhe'm aswonn.

Yowann 6:46

Nyns yw, nebonan dhe weles an Tas; marnas ev neb usi dhiworth Duw, ev re welas an Tas.

Yowann 8:19

Ytho yn-medhons dhodho, ‘Ple'ma dha Das?’ Yesu a worthybis, ‘Ny aswonnowgh na my na'm Tas; mar kwrellewgh ow aswonn vy, hwi a wrussa aswonn ow Thas ynwedh.’

Yowann 8:29

Yma genev vy ev neb a'm dannvonas. Ny'm gasas ow honan, rag pup-prys my a wra an pyth yw plegadow dhodho.’

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Yowann 8:51

Yn hwir, yn hwir y lavarav dhywgh, piwpynag a wittho ow ger, ny welvydh mernans bynitha.’

Yowann 8:52

Ena yn-medh an Yedhewon dhodho, ‘Lemmyn ni a woer bos dyowl genes. Abraham a verwis, ha'n brofoesi, ha ty a lever, “Piwpynag a wittho ow ger, ny wra ev tastya mernans bynitha.”

Oberow 17:23

Rag, ha my ow tremena hag ow hwithra taklow agas gordhyans, my a gavas ynwedh alter mayth o skrifys “Dhe dhuw anwodhvos.” Ytho, an pyth a wordhyowgh yn tiskians, hemma my a iger dhywgh.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

1 Yowann 1:6

Mar leveryn bos dhyn kowethyans ganso, hag y kerdhyn yn tewlder, gowleverel a wren, ha ny wren an pyth yw gwir.

1 Yowann 2:22

Piw yw an gowleveryas marnas neb a nagh Yesu dhe vos an Krist? Hemm yw an Antekrist neb a nagh an Tas ha'n Mab.

1 Yowann 2:4

Neb a lever, ‘My a'n aswonn’, mes ny with y worhemmynnow, gowleveryas yth yw ev, ha nyns usi an gwirder ynno.

1 Yowann 5:10

Neb a grys yn Mab Duw a'n jeves an dustuni ynno y honan. Neb na grys yn Duw, re'n gwrug gowleveryas; rag na grysis an dustuni re ros a-dro dh'y Vab.

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.