Yowann 8:54 - An Bibel Kernewek 20234 (Kernewek Kemmyn)

⁵⁴ Yesu a worthybis, ‘Mar kwrav vy ri glori dhymmo vy ow honan, ny dal ow glori travyth; mes ow Thas yw neb a wra ow glorifia, neb a leverowgh anodho, “Ev yw agan Duw.”

Yowann 8:54 Iomraidhean Croise

Lavarow Koth 25:27

Nyns yw da dybri meur a vel, ha nyns yw glori tus dhe hwilas aga glori aga honan.

Ysay 66:5

Klewewgh ger an Arloedh, hwi neb a gren orth y er: Agas breder neb a'gas kas ha'gas eskeas a-barth ow hanow re lavarsons, ‘Bedhes an Arloedh glorifiys, rag may hwellyn agas lowena!’ Mes i aga honan a gemmer meth.

Hosea 1:9

Ena an Arloedh a leveris, ‘Hanw e Lo-ammi, a-ban nyns owgh hwi ow fobel, ha nyns ov vy agas Duw.’

Yowann 17:1

Wosa kewsel an taklow ma, Yesu a dhrehevis y dhewlagas dhe nev ha leverel, ‘Tas, re dheuth an eur; ro glori dhe'th Vab, rag may hwrello dha Vab ri glori dhiso jy,

Yowann 17:5

Ha lemmyn gwra ow glorifia, A Das, y'th wolok dha honan, gans an glori a'm beu genes kyns bos an bys.

Yowann 2:11

Yesu a wrug henna, dalleth y doknys, yn Kana a Alile, ha diskwedhes y wolewder; ha'y dhyskyblon a grysis ynno.

Yowann 5:41

Ny dhegemmerav enor dhiworth tus,

Yowann 7:18

Neb a gews a'y awtorita y honan a hwila y enor y honan; mes neb a hwila an enor anodho ev neb a'n dannvonas, hemma yw gwir, ha nyns eus ynno anwiryonedh.

Yowann 7:39

Ev a gewsis hemma a-dro dhe'n Spyrys, a vedha degemmerys gans an re a grys ynno ev; rag ny via an Spyrys res na hwath, drefenn na veu Yesu glorifiys na hwath.

Yowann 8:41

Hwi a wra oberow agas tas.’ Ena i a leveris dhodho, ‘Nyns on ni dineythys dre fornikasyon. Yma dhyn unn Tas, Duw.’

Yowann 8:50

Ha ny hwilav ow glori ow honan; yma neb a'n hwila, ha neb a vreus.

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.

2 Korinthianys 10:18

rag nyns yw ev neb a omgommend y honan neb yw degemmerys, mes ev neb yw kommendys gans an Arloedh.

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.

1 Peder 1:21

neb a grys dredho yn Duw a wrug y dhrehevel dhiworth an re varow ha ri splannder dhodho, mayth usi agas fydh ha'gas govenek yn Duw.

2 Peder 1:17

Rag ev a dhegemmeras enor ha splannder dhiworth Duw an Tas, pan veu dres dhodho lev a'n par ma gans an splannder bryntin, ‘Hemm yw ow Mab karadow, mayth usi ynno ow delit.’