Yowann 8:40 - An Bibel Kernewek 20234 (Kernewek Kemmyn)

⁴⁰ Mes lemmyn hwi a hwila ow ladha, den neb a dherivas dhywgh an gwir, hag a glewis vy a Dhuw. Ny wrug Abraham henna.

Yowann 8:40 Iomraidhean Croise

Salmow 37:12

An tebelwas a dewl towl erbynn an den gwiryon, ha deskerni y dhyns orto.

Salmow 37:32

An tebelwas a aspi an den gwiryon, hag ev a assay y ladha.

Yowann 7:1

Wosa hemma, yth esa Yesu ow kerdhes yn Galile; rag ny vynna kerdhes yn Yudi, rag an Yedhewon a hwila y ladha.

Yowann 8:26

Yma dhymm lies tra dhe leverel ha dhe vreusi a-dro dhywgh; mes neb a'm dannvonas yw gwir; ha'n pyth a glewis dhiworto, henna my a lever dhe'n bys.’

Yowann 8:56

Abraham agas tas a lowenhas dhe weles ow dydh; ev a'n gwelas, ha lowen veu.’

Romanyon 4:12

Hag yndella ev yw tas an re trodreghys, an re nag yns unnsel trodreghys, mes ynwedh ymons ow kerdhes yn olow fydh agan tas ni Abraham kyns ev dhe vos trodreghys.

Galatianys 4:16

Ytho a dheuth vy ha bos agas eskar rag my dhe leverel an gwirder dhywgh?

Galatianys 4:29

Mes kepar dell wrug y'n eur na neb a veu genys war-lergh an kig helghya neb a veu genys war-lergh an Spyrys, yth or yndella hwath y'n eur ma.

Diskwedhyans 12:17

Ha'n dhragon a sorras orth an venyn, hag yth eth dhe werrya gans remenant hy has neb a with gorhemmynnow Duw, ha dustuni Yesu yma gansa i.

Diskwedhyans 12:4

Ha'y lost a skubas an tressa rann a'n ster a nev ha'ga thewlel dhe'n dor ha'n dhragon a sevis a-dherag an venyn a vedha ow tineythi, may teppra hy flogh kettell wrella hi y dhineythi.