Yowann 8:34 - An Bibel Kernewek 20234 (Kernewek Kemmyn)

³⁴ Yesu a worthybis dhedha, ‘Yn hwir, yn hwir y lavarav dhywgh, pubonan a wra pegh yw keth dhe begh.

Yowann 8:34 Iomraidhean Croise

1 Myghternedh 21:25

(Yn hwir nyns esa nagonan haval dhe Ahab, a werthas y honan dhe wul an pyth o drog yn golok an Arloedh, ynniys gans y wreg Yezebel.

Lavarow Koth 5:22

An tebelwas yw maglennys gans y gammweythresow y honan, hag ev a vydh synsys fast yn kerdyn y begh.

Matthew 5:18

Rag yn hwir my a lever dhywgh, bys pan dremenno nev ha nor, ny dremen unn jet na banna dhiworth an lagha erna vo kowlwrys pup-tra oll.

Yowann 3:3

Yesu a worthybis ha leverel dhodho, ‘Yn hwir, yn hwir y lavarav dhis, marnas den a vo genys arta, ny yll gweles gwlaskor Duw.’

Oberow 8:23

Rag, dell welav, yn bystel a hwerowder hag yn kolm a gammhynseth yth esos.’

Romanyon 6:12

Ytho na reynyes pegh yn agas korf marwel bys may fydhowgh gostydh dh'y dhrokhwansow.

Romanyon 6:16

A ny wodhowgh hwi mar omrowgh dhe nebonan avel kethyon wostydh, hwi dhe vos kethyon poran dhe'n den na mayth owgh gostydh dhodho – po dhe begh, hag a hembronk dhe'n mernans, po dhe wostytter hag a hembronk dhe ewnheans?

Romanyon 6:6

Ni a woer y feu agan den koth krowsys ganso rag may fe an korf a begh distruys, ha rag na serfyn pegh na fella.

Romanyon 7:14

Rag ni a woer an lagha dhe vos a'n spyrys; mes a'n kig ov, gwerthys yn keth dhe begh.

Romanyon 7:25

Grasow dhe Dhuw dre Yesu Krist agan Arloedh! Yndella genev vy ow honan y servyav lagha Duw gans ow brys, mes gans ow hig y servyav lagha pegh.

Romanyon 8:21

drefenn an kreasyon y honan dhe vos rydhhes dhiworth kethneth podredhes dhe rydhses golewder fleghes Duw.

Efesianys 2:2

may kerdhsowgh ynna war-lergh gis an bys ma, war-lergh penntern galloes an ayr, an spyrys a ober lemmyn yn mebyon diwostytter;

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

2 Peder 2:19

I a ambos rydhses dhedha, kyn fons i aga honan kethwesyon diswrians, rag den mars yw fethys gans nebonan, dhodho ev kethwas gyllys yw.