Yowann 8:26 - An Bibel Kernewek 20234 (Kernewek Kemmyn)

²⁶ Yma dhymm lies tra dhe leverel ha dhe vreusi a-dro dhywgh; mes neb a'm dannvonas yw gwir; ha'n pyth a glewis dhiworto, henna my a lever dhe'n bys.’

Yowann 8:26 Iomraidhean Croise

Yowann 15:15

Ny wrav agas henwel gwesyon na fella, rag ny woer an gwas pandr'a wra y vester; mes my re'gas henwis kowetha, rag pup-tra a wrug vy klewes a'w Thas my a wrug y dheklarya dhy'hwi.

Yowann 16:12

‘Yma dhymm hwath lies tra dhe leverel dhywgh, mes ny yllowgh aga ferthi lemmyn.

Yowann 17:8

Rag my re ros dhedha an geryow a resys dhymm, hag i a's degemmeras hag a gonvedhas yn gwirder my dhe dhos ahanas, hag i a grysis ty dhe'm dannvon.

Yowann 18:20

Yesu a worthybis dhodho, ‘My re gewsis yn apert dhe'n bys. Pup-prys my re dhyskas y'n synaga hag y'n tempel, le mayth omguntell an Yedhewon pup-prys, hag yn-dann gel ny leveris travyth

Yowann 3:11

‘Yn hwir, yn hwir y lavarav dhis, ni a gews an pyth a wodhon, ha ni a dheg dustuni a'n pyth a welsyn; ha ny dhegemmerowgh agan dustuni.

Yowann 7:16

Ytho Yesu a worthybis dhedha ha leverel, ‘Nyns yw ow dyskas dhymm ow honan, mes dhe neb a'm dannvonas.

Yowann 7:28

Ytho Yesu a grias y'n tempel, hag ev ow tyski, hag a leveris, ‘Hwi a'm aswonn, ha hwi a woer a-ble ov. Ha nyns ov vy devedhys ahanav ow honan, mes gwir yw ev neb a'm dannvonas, neb na aswonnowgh.

Yowann 8:25

Ena i a leveris dhodho, ‘Piw osta?’ Yn-medh Yesu dhedha, ‘An pyth re leveris dhywgh a'n dalleth.

Yowann 8:27

Ny gonvedhsons ev dhe gewsel orta a'n Tas.

Yowann 8:40

Mes lemmyn hwi a hwila ow ladha, den neb a dherivas dhywgh an gwir, hag a glewis vy a Dhuw. Ny wrug Abraham henna.

2 Korinthianys 1:18

Mes, dell yw Duw lel, nyns yw agan ger dhywgh ‘Ya ha Na.’