Yowann 8:21 - An Bibel Kernewek 20234 (Kernewek Kemmyn)

²¹ Yesu a leveris dhedha arta, ‘My a dhe-ves, ha hwi a vydh orth ow hwilas, ha hwi a verow yn agas pegh. Ple'th av, ny yllowgh dos.’

Yowann 8:21 Iomraidhean Croise

1 Myghternedh 18:10

Dell vew an Arloedh dha Dhuw, nyns eus kenedhel na gwlaskor ma na dhannvonas ow arloedh dhe'th hwilas; ha pan leverens, “Nyns, usi ev omma,” ev a wrug dhe'n genedhel po a'n wlaskor na gul ti, na'th kavsens.

Job 20:11

Y eskern yw leun a'n nerth a yowynkneth mes henna a wrowedh ganso y'n doust.

Lavarow Koth 11:7

Pan verow tebelwas, y wovenek a dheu dhe goll, ha govenek an re dhidhuw a dheu dhe vann.

Lavarow Koth 14:32

An tebelwas yw domhwelys der y dhroktra, mes an den gwiryon a'n jeves harber yn y lander.

Ysay 65:20

Ny vydh ena na fella baban a vew nebes dhydhyow, na ny vydh den koth na vew oll y dydhyow; rag neb a verow kans penn-bloedh a vydh synsys avel maw, ha neb na dhrehedh dhe gans a vydh synsys avel milliges.

Matthew 23:39

Rag my a lever dhywgh, na'm gwelowgh alemma rag, bys pan leverowgh, “Benniges yw neb a dheu yn hanow an Arloedh.” ’

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Yowann 12:33

Ev a leveris hemma, ow styrya py par mernans a vedha ow merwel dredho.

Yowann 12:35

Ena Yesu a leveris dhedha, ‘Hwath pols byghan yma an golow genowgh. Kerdhewgh hedre vo genowgh an golow, ma na wrello tewlder agas dalghenna. Neb a gerdh y'n tewlder ny woer ple'th a.

Yowann 13:33

A fleghes vyghan, hwath termyn berr yth esov genowgh. Hwi a'm hwila, ha dell leveris vy dhe'n Yedhewon, “Le mayth av ny yllowgh dos”, lemmyn my a'n lever dhywgh hwi.

Yowann 7:34

Hwi a'm hwila ha ny'm kevowgh; ha le mayth esov vy, dhi ny yllowgh hwi dos.’

Yowann 7:36

Pyth yw an lavar a gewsis an den ma, “Hwi a'm hwila ha ny'm kevowgh”, ha “Le mayth esov vy, dhi ny yllowgh hwi dos”?’

Yowann 8:24

Ytho my a leveris dhywgh, hwi dhe verwel yn agas peghosow. Rag mar ny grysowgh my dhe vos ev, hwi a verow yn agas peghosow.’

Efesianys 2:1

Ha hwi a veu marow yn agas drogoberow ha'gas peghosow