Yowann 8:2 - An Bibel Kernewek 20234 (Kernewek Kemmyn)

² Ha myttin a-varr ev a dheuth arta dhe'n tempel, hag oll an bobel a dheuth dhodho; hag ev a esedhas ha dyski dhedha.

Yowann 8:2 Iomraidhean Croise

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Yeremia 25:3

A-dhia drydhegves blydhen Yosia mab Amon myghtern Yuda, bys y'n jydh ma, henn yw an tressa blydhen warn ugens, ger an Arloedh re dheuth dhymm, ha my re gewsis dhywgh yn tiwysyk, mes ny woslewsowgh.

Yeremia 32:33

I re dreylyas dhymm aga heyn, a-der aga fasow; kyn y's dyskis heb lett, hwath ny woslowsons dhe gemmeres dyskybleth.

Yeremia 44:4

Mes my a dhannvonas dhywgh oll ow servysi an brofoesi, orth aga dannvon arta hag arta, ow leverel, ‘My a'gas pys ma na wrellowgh an dra euthyk ma hag yw kasadewder dhymm.’

Matthew 26:55

Y'n eur na Yesu a leveris dhe'n routhow, ‘A dheuthewgh hwi yn-mes gans kledhedhyow ha fustow dhe'm dalghenna kepar dell ve erbynn lader? Yth en esedhys y'n tempel pub dydh ow tyski ha ny wrussowgh ow dalghenna.

Luk 21:37

Dydhweyth yth esa ev y'n tempel ow tyski, hag yn nos ev a wre mos yn-mes ha godriga y'n vre henwys an menydh Oliv.

Luk 21:38

Hag oll an bobel a dho dhodho y'n tempel myttin a-varr, dhe woslowes orto.

Luk 4:20

Ena ev a rolyas an lyver, ha'y dhaskorr dhe'n servont, hag esedha; hag yth esa dewlagas peub y'n synaga stag warnodho.

Luk 5:3

Ev eth a-bervedh yn onan a'n gorholyon, esa dhe Simon, ha govynn orto pellhe nebes dhiworth an lann. Ena ev a esedhas, ha dyski an routhow a-dhiworth an gorhel.

Yowann 4:34

Yn-medh Yesu dhedha, ‘Ow boes vy yw, my dhe wul bolonjedh neb a'm dannvonas ha dhe gowlwul y ober ev.

Yowann 8:20

Ev a gewsis an geryow ma y'n arghow, hag ev ow tyski y'n tempel; ha ny wrug denvyth y dhalghenna, rag ny veu hwath devedhys y eur.

Yowann 8:3

Ha'n skribys ha'n Fariseow a dhros dhodho benyn kemmerys ow kul avoutri, ha'y gorra y'n kres.

Oberow 5:21

Pan glewsons hemma, i a entras y'n tempel a-dro dhe vora, ha dyski. Lemmyn y teuth an arghoferyas ha'n re esa ganso, hag i a elwis an konsel hag oll an senedh a vebyon Ysrael, hag i a dhannvonas dhe'n prison may fens dres.