Yowann 7:39 - An Bibel Kernewek 20234 (Kernewek Kemmyn)

³⁹ Ev a gewsis hemma a-dro dhe'n Spyrys, a vedha degemmerys gans an re a grys ynno ev; rag ny via an Spyrys res na hwath, drefenn na veu Yesu glorifiys na hwath.

Yowann 7:39 Iomraidhean Croise

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Lavarow Koth 1:23

Koelewgh orth ow heredh; otta! my a dhinwa ow spyrys dhywgh, my a wra ow geryow dhe vos godhvedhys genowgh.

Ysay 12:3

Hwi a denn dowr gans lowena dhiworth an fentynyow a selwyans.

Ysay 32:15

erna vo an Spyrys dinewys warnedha a-wartha. Ena an gwylvos a vydh tir feyth, ha'n tir feyth a vydh synsys dhe vos koeswik.

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Yoel 2:28

Ha wosa hemma my a dhinwa ow spyrys war gig oll, ha'gas mebyon ha'gas myrghes a wra profoesa, ha'gas tus koth a hunros hunrosow ha'gas gwer yowynk a wel gwelesigethow.

Matthew 16:14

Yn-medhons, ‘Re anedha, Yowann Besydhyer, re erell Elias, hag erell Yeremia, po onan a'n brofoesi.’

Matthew 21:11

Ha'n routhow a worthybis, ‘Hemm yw an profoes Yesu, a Nazareth yn Galile.’

Luk 24:49

Hag otta, my a dhannvon dedhewadyow ow Thas warnowgh; mes hwi, gortewgh y'n sita bys pan vowgh gwiskys gans galloes dhiworth an ughelder.’

Luk 3:16

Yowann a worthybis, ow leverel dhedha i oll, ‘My dhe wir a'gas besydh gans dowr; mes nebonan yw kreffa agesov vy a dheu, ma nag ov vy gwiw dhe dhigelmi kroen y eskisyow. Ev a'gas besydh y'n Spyrys Sans ha tan.

Luk 7:16

Hag own a's kemmeras oll, hag yth esens ow kormel Duw, ow leverel, ‘Profoes meur re sevis yn agan mysk’, ha ‘Duw re wrug vri a'y bobel.’

Yowann 1:21

Hag i a wovynnas orto, ‘Piw ytho? Osta Elias?’ Yn-medh ev, ‘Nag ov vy.’ ‘Osta an profoes?’ Hag ev a worthybis, ‘Nag ov.’

Yowann 1:25

Hag i a wovynnas orto ha leverel dhodho, ‘Prag ytho y pesydhydh mar nyns osta an Krist, nag Elias, na'n profoes?’

Yowann 1:33

Ha ny wrugavy y aswonn, mes neb a'm dannvonas dhe vesydhya yn dowr, ev a leveris dhymm, “Neb may hwelydh an Spyrys ow tos yn-nans warnodho hag ow kortos warnodho, hemm yw neb a vesydh gans an Spyrys Sans.”

Yowann 12:16

Ny gonvedhas y dhyskyblon hemma wostalleth, mes pan veu Yesu glorifiys, ena i a borthas kov hemma dhe vos skrifys a-dro dhodho, hag i dhe wul hemma ragdho.

Yowann 12:23

Yesu a worthybis dhedha ow leverel, ‘Devedhys yw an eur may fo Mab an den glorifiys.

Yowann 14:13

Ha pypynag a wovynnowgh y'm hanow vy, henna a wrav, may fo glorifiys an Tas y'n Mab.

Yowann 14:26

Mes an Konforter, an Spyrys Sans neb a wra an Tas y dhannvon y'm hanow vy, ev a dhysk dhywgh pup-tra ha'gas kovha a bup-tra a leveris dhywgh.

Yowann 16:14

Ev a wra ow glorifia, rag ev a gemmer dhiworth an pyth yw dhymm ha'y dherivas dhywgh.

Yowann 16:7

Mes my a lever dhywgh an gwiryonedh, gwell dhywgh yw, my dhe vos yn-kerdh. Rag mar nyns av yn-kerdh, ny dheu an Konforter dhywgh; mes mars av, my a'n dannvon dhywgh.

Yowann 17:1

Wosa kewsel an taklow ma, Yesu a dhrehevis y dhewlagas dhe nev ha leverel, ‘Tas, re dheuth an eur; ro glori dhe'th Vab, rag may hwrello dha Vab ri glori dhiso jy,

Yowann 17:5

Ha lemmyn gwra ow glorifia, A Das, y'th wolok dha honan, gans an glori a'm beu genes kyns bos an bys.

Yowann 20:22

Ha wosa leverel hemma, ev a anellas warnedha ha leverel dhedha, ‘Degemmerewgh an Spyrys Sans.

Yowann 6:14

Ena an dus, pan welsens an tokyn a wrug Yesu, a leveris, ‘Hemma dhe wir yw an profoes a dal dos y'n bys.’

Yowann 7:12

Hag yth esa krodhvol meur y'n routh yn y gever; rag re a leveri, ‘Dremas yw’, mes re erell a leveri, ‘Nag yw, mes ev a doell an routh.’

Yowann 8:54

Yesu a worthybis, ‘Mar kwrav vy ri glori dhymmo vy ow honan, ny dal ow glori travyth; mes ow Thas yw neb a wra ow glorifia, neb a leverowgh anodho, “Ev yw agan Duw.”

Oberow 19:2

hag ev a leveris dhedha, ‘A gemmersowgh hwi an Spyrys Sans pan gryssowgh?’ Hag yn-medhons i dhodho, ‘Hwath ny glewsyn ni mars eus Spyrys Sans.’

Oberow 2:17

“Hag y fydh y'n dydhyow diwettha, yn-medh Duw, my a dhinwa a'm Spyrys war gig oll, ha'gas mebyon ha'gas myrghes a wra profoesa ha'gas gwer yowynk a wra gweles gwelesigethow ha'gas gwer goth a wra hunrosa hunrosow;

Oberow 2:33

rakhenna, ughelhes dhe'n barth dhyghow dhe Dhuw, pan dhegemmersa dhiworth an Tas dedhewadow an Spyrys Sans, ev a dhinewis hemma hag a welowgh hag a glewowgh.

Oberow 2:38

Hag yn-medh Peder dhedha, ‘Kemmerewgh edrek, ha bedhes besydhys kettep penn ahanowgh yn hanow Yesu Krist rag gevyans agas peghosow, ha hwi a wra degemmeres ro an Spyrys Sans.

Oberow 2:4

hag i oll a veu lenwys a'n Spyrys Sans ha dalleth kewsel yn yethow erell, dell ros an Spyrys dhedha galloes dhe gewsel.

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.

Oberow 4:31

Hag i ow pysi, an tyller mayth ens i kuntellys a veu kryghyllys, hag i oll a veu lenwys a'n Spyrys Sans, hag i a gewsis ger Duw gans kolonnekter.

Romanyon 8:9

Mes nyns esowgh y'n kig, y'n Spyrys yth esowgh, mars usi Spyrys Duw trigys ynnowgh yn hwir. Neb na'n jeves Spyrys Krist nyns yw ev dhodho.

2 Korinthianys 3:8

pygemmys moy yn golewder a dheu menystrans an Spyrys?

Efesianys 4:30

Ha na wrewgh grevya Spyrys Sans Duw, yn neb hwi a veu selys rag dydh daspren.