Yowann 7:36 - An Bibel Kernewek 20234 (Kernewek Kemmyn)

³⁶ Pyth yw an lavar a gewsis an den ma, “Hwi a'm hwila ha ny'm kevowgh”, ha “Le mayth esov vy, dhi ny yllowgh hwi dos”?’

Yowann 7:36 Iomraidhean Croise

Yowann 12:34

Ytho an routh a worthybis dhodho, ‘Ni re glewas y'n lagha, Krist dhe besya bynitha; ha fatell leverowgh y tal Mab an den dhe vos drehevys? Piw yw an “Mab an den” ma?’

Yowann 13:33

A fleghes vyghan, hwath termyn berr yth esov genowgh. Hwi a'm hwila, ha dell leveris vy dhe'n Yedhewon, “Le mayth av ny yllowgh dos”, lemmyn my a'n lever dhywgh hwi.

Yowann 3:4

Yn-medh Nikodemus dhodho, ‘Fatell yll den bos genys, hag ev den koth? A yll ev entra nessa prys yn torr y vamm ha bos genys?’

Yowann 3:9

Nikodemus a worthybis ha leverel dhodho, ‘Fatell yll hemma bos?’

Yowann 6:41

Rakhenna an Yedhewon a grodhvolas warnodho, rag ev dhe leverel, ‘My yw an bara a dheuth yn-nans dhiworth nev’,

Yowann 6:52

Rakhenna an Yedhewon a gedrynnas an eyl gans y gila, ow leverel, ‘Fatell yll hemma ri dhyn kig dhe dhybri?’

Yowann 6:60

Rakhenna, lies a'y dhyskyblon pan glewsons hemma a leveris, ‘Kales yw an lavar ma; piw a yll y glewes?’

Yowann 7:34

Hwi a'm hwila ha ny'm kevowgh; ha le mayth esov vy, dhi ny yllowgh hwi dos.’

Yowann 8:21

Yesu a leveris dhedha arta, ‘My a dhe-ves, ha hwi a vydh orth ow hwilas, ha hwi a verow yn agas pegh. Ple'th av, ny yllowgh dos.’

1 Korinthianys 2:14

Den anspyrysel ny dhegemmer traow an Spyrys, rag dhodho follneth yth yns i, ha ny yll ev aga honvedhes, drefenn aga bos aswonnys dre spyrys.