Yowann 7:3 - An Bibel Kernewek 20234 (Kernewek Kemmyn)

³ ytho y vreder a leveris dhodho, ‘Voyd alemma, ha ke yn Yudi, rag may hwello dha dhyskyblon, i ynwedh, an oberow a wredh.

Yowann 7:3 Iomraidhean Croise

Jenesis 37:20

Deun lemmyn ha gwren ni y ladha ha'y dewlel yn onan a'n puthow, ha leverel, neb unn tebel vest dh'y dhybri; ha ni a welvydh pandr'a vydh y hunrosow.’

Yeremia 12:6

Rag hwath dha vreder, ha chi dha das, i ynwedh, re'th traytas; i ynwedh re dhrehevis kri ughel war dha lergh: na goel dhedha kyn kewsons geryow teg dhis.

Matthew 12:46

Hag ev ow kewsel orth an routhow, otta, yth esa y vamm ha'y vreder ow sevel a-ves hag ow hwilas kewsel orto.

Mark 3:21

Ha pan glewas y gerens henna, i eth yn-mes rag settya dalghenn ynno; rag i a leveri, ‘Varyes yw.’

Mark 3:31

Ha'y vamm ha'y vreder a dheuth, hag ow sevel a-ves i a dhannvonas dhodho, ha'y elwel.

Luk 8:19

Ena y teuth dhodho y vamm ha'y vreder, ha ny yllens dos nes dhodho drefenn an routh.

Luk 8:20

Ha leverys veu dhodho, ‘Dha vamm ha'th vreder a worta a-ves ow mynnes dha weles.’

Yowann 2:2

ha Yesu ha'y dhyskyblon a veu gelwys dhe'n demmedhyans.

Yowann 6:60

Rakhenna, lies a'y dhyskyblon pan glewsons hemma a leveris, ‘Kales yw an lavar ma; piw a yll y glewes?’

Yowann 6:66

Alena rag lies a'y dhyskyblon eth war-dhelergh, ha ny gerdhens ganso namoy.

Yowann 7:10

Mes wosa y vreder dhe vos yn-bann dhe'n goel, ena ev ynwedh eth yn-bann; ny'n gwrug yn apert, mes kepar dell via yn-dann gel.

Yowann 7:4

Rag ny ober denvyth yn-dann gel neb a hwila bos aswonnys apert. Mar kwredh an taklow ma, diskwa dha honan dhe'n bys.’

Yowann 7:5

Rag ny grysi ynno y vreder hogen.

Oberow 2:14

Mes ow sevel gans an unnek, Peder a dhrehevis y lev hag arethya orta, ‘Gwer Yudi ha myns eus trigys yn Yerusalem, bedhes hemma godhvedhys dhywgh, ha goslowewgh orth ow lavarow.

1 Samuel 17:28

Eliab y gottha broder a'n klewas pan gewsis ev dhe'n wer; ha sorr Eliab a dhewis erbynn Davydh, hag ev a leveris, ‘Prag y teuthys yn-nans omma? Piw ganso y hwruss'ta gasa an deves boghes na y'n gwylvos? My a woer dha valghder ha sherewynsi dha golonn; rag ty re dheuva yn-nans rag may halles gweles an vatel.’