Yowann 7:28 - An Bibel Kernewek 20234 (Kernewek Kemmyn)

²⁸ Ytho Yesu a grias y'n tempel, hag ev ow tyski, hag a leveris, ‘Hwi a'm aswonn, ha hwi a woer a-ble ov. Ha nyns ov vy devedhys ahanav ow honan, mes gwir yw ev neb a'm dannvonas, neb na aswonnowgh.

Yowann 7:28 Iomraidhean Croise

Salmow 9:10

Ha'n re a aswonn dha hanow a drest ynnos, rag ty, A Arloedh, ny forsaksys seul a'th hwila.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Yeremia 9:6

Hys-ha-hys toell war doell, i a nagh ow aswonn, yn-medh an Arloedh.

Hosea 4:1

Klewewgh ger an Arloedh, mebyon Ysrael, rag yma dhe'n Arloedh ken erbynn trigoryon an tir. Nyns eus gwiryonedh, na tregeredh, nag aswonnvos Duw y'n tir.

Hosea 5:4

Aga gweythresow ny's gas dhe dhehweles dh'aga Duw, rag bos spyrys a fornikasyon yn aga mysk, ha ny aswonnons an Arloedh.

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Matthew 2:23

hag ev eth dhe driga yn sita gelwys Nazareth may fe kollenwys an dra kewsys gans an profoes, ‘Ev a vydh henwys Nazaren.’

Matthew 26:55

Y'n eur na Yesu a leveris dhe'n routhow, ‘A dheuthewgh hwi yn-mes gans kledhedhyow ha fustow dhe'm dalghenna kepar dell ve erbynn lader? Yth en esedhys y'n tempel pub dydh ow tyski ha ny wrussowgh ow dalghenna.

Luk 10:22

Pup-tra re beu kemmynnys dhymm gans ow Thas, ha denvyth ny aswonn piw yw an Mab marnas an Tas, ha piw yw an Tas marnas an Mab, hag ev neb may fynn an Mab y dhiskwedhes dhodho.’

Luk 2:11

bos genys ragowgh hedhyw yn sita Davydh Selwyas, neb yw Krist an Arloedh.

Luk 2:39

Ha wosa kowlwul pup-tra herwydh lagha an Arloedh, i a dhehwelis dhe Alile, dh'aga sita aga honan Nazareth.

Luk 2:4

Ha Yosep ynwedh eth yn-bann dhiworth Galile, yn-mes a'n sita Nazareth, dhe Yudi, dhe sita Davydh, Bethlehem y hanow, rag ev dhe vos a ji hag a linyeth Davydh,

Luk 2:51

Hag ev eth yn-nans gansa ha dos dhe Nazareth, hag ev o gostydh dhedha. Ha'y vamm a witha oll an lavarow ma yn hy holonn.

Yowann 1:46

Hag yn-medh Nathanael dhodho, ‘A yll travyth da dos mes a Nazareth?’ Yn-medh Felip dhodho, ‘Deus ha gwel.’

Yowann 10:36

a yllowgh leverel anodho ev neb a wrug an Tas y sakra ha'y dhannvon y'n bys, “Ty a lever blasfemi”, rag my dhe leverel, “Mab Duw ov vy”?

Yowann 12:49

Rag ny gewsis vy ahanav ow honan, mes an Tas a'm dannvonas, ev a ros dhymm gorhemmynn, pandra dhe leverel ha pandra dhe gewsel.

Yowann 14:10

A ny grysydh my dhe vos y'n Tas, ha'n Tas dhe vos ynnov vy? An geryow a gowsav dhywgh, ny's kowsav ahanav vy ow honan, mes an Tas neb a drig ynnov a wra y oberow.

Yowann 14:31

Mes rag may hwodhvo an bys my dhe gara an Tas, ha kepar dell worhemmynnis dhymm an Tas, yndella y hwrav. Sevewgh, deun ni alemma.

Yowann 16:3

Ha hemma a wrons rag ny aswonnsons naneyl an Tas na my.

Yowann 17:25

‘A Das gwiryon, ny wra an bys dha aswonn, mes my a'th aswonn, ha'n re ma a woer ty dhe'm aswonn.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Yowann 3:2

ev a dheuth dhodho yn nos ha leverel dhodho, ‘Rabbi, ni a woer ty dhe vos dyskador devedhys dhiworth Duw; rag ny yll denvyth gul an toknys ma a wredh tejy marnas Duw a vo ganso.’

Yowann 3:33

Neb a dhegemmer y dhustuni re worras y sel war hemma: Duw dhe vos lel.

Yowann 5:32

Yma nebonan arall neb a dheg dustuni ahanav, ha my a woer an dustuni a wra ev y dhoen ahanav dhe vos gwir.

Yowann 5:43

My re dheuth yn hanow ow Thas, ha ny wrewgh ow degemmeres: mes mar teu nebonan arall yn y hanow y honan, henna a dhegemmerowgh.

Yowann 6:42

hag yn-medhons, ‘A nyns yw hemma Yesu mab Yosep neb a aswonnyn y das ha'y vamm? Fatell lever ytho, “Devedhys ov vy yn-nans dhiworth nev”?’

Yowann 7:14

Lemmyn yn kres an goel, Yesu eth yn-bann dhe'n tempel hag yth esa ow tyski.

Yowann 8:14

Yesu a worthybis ha leverel dhedha, ‘Kyn tustuniav ahanav ow honan, ow dustuni yw gwir, rag my a woer a-ble teuth vy, ha ple'th av. Mes ny wodhowgh hwi a-ble esov ow tos na ple'th av.

Yowann 8:16

Ha mar preusav vy, ow breus yw gwir; rag ny'n gwrav ow honan, mes my ha'n Tas neb a'm dannvonas a'n gwra.

Yowann 8:19

Ytho yn-medhons dhodho, ‘Ple'ma dha Das?’ Yesu a worthybis, ‘Ny aswonnowgh na my na'm Tas; mar kwrellewgh ow aswonn vy, hwi a wrussa aswonn ow Thas ynwedh.’

Yowann 8:26

Yma dhymm lies tra dhe leverel ha dhe vreusi a-dro dhywgh; mes neb a'm dannvonas yw gwir; ha'n pyth a glewis dhiworto, henna my a lever dhe'n bys.’

Yowann 8:42

Yn-medh Yesu dhedha, ‘Mar pe Duw agas Tas, hwi a wrussa ow hara; rag my a dheuth dhiworth Duw, hag omma yth esov. Nyns ov vy devedhys ahanav ow honan, mes ev a'm dannvonas.

Yowann 9:29

Ni a woer, Duw dhe gewsel dhe Moyses, mes an den ma, ny wodhon a-ble teuth.’

Oberow 17:23

Rag, ha my ow tremena hag ow hwithra taklow agas gordhyans, my a gavas ynwedh alter mayth o skrifys “Dhe dhuw anwodhvos.” Ytho, an pyth a wordhyowgh yn tiskians, hemma my a iger dhywgh.

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

Romanyon 3:4

Kammenn vyth! Bedhes Duw gwir kyn fo pub den fals, dell yw skrifys, ‘Rag may fi prevys ewn y'th heryow ha tryghi pan vi breusys.’

2 Korinthianys 1:18

Mes, dell yw Duw lel, nyns yw agan ger dhywgh ‘Ya ha Na.’

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.

1 Yowann 5:10

Neb a grys yn Mab Duw a'n jeves an dustuni ynno y honan. Neb na grys yn Duw, re'n gwrug gowleveryas; rag na grysis an dustuni re ros a-dro dh'y Vab.

1 Samuel 2:12

Lemmyn mebyon Eli o mebyon Belial; ny aswonnens an Arloedh.