Yowann 7:15 - An Bibel Kernewek 20234 (Kernewek Kemmyn)

¹⁵ Marth a's teva an Yedhewon, ow leverel, ‘Fatell yll ev bos lettrys, pan na studhyas bythkweth?’

Yowann 7:15 Iomraidhean Croise

Ysay 29:12

Ha pan yw an lyver res dhe dhen anlettrys, ow leverel, ‘Lenn hemma’, yn-medh ev, ‘Ny wonn lenna.’

Matthew 13:54

Ha wosa ev dhe dhos dh'y vro y honan, ev a's dyskas yn aga synaga, par mayth esa marth dhedha, hag yn-medhons, ‘A-ble kavas hemma an furneth ma ha'n oberow barthusek ma?

Matthew 22:22

Henna pan y'n klewsons marth a's teva, hag i a'n gasas ha mos dhe-ves.

Matthew 22:33

Ha pan glewas an routhow henna, marth a's teva a'y dhyskas.

Luk 2:47

hag yth esa marth gans peub a'n klewo, a'y gonvedhes ha'y worthybow.

Luk 4:22

Hag yth esens i oll ow tustunia a-dro dhodho, ha marth a's tevo a'n geryow a ras a dheuth a'y anow, hag yn-medhons, ‘A nyns yw hemma mab Yosep?’

Yowann 1:19

Ha hemm yw dustuni Yowann, pan dhannvonas an Yedhewon oferysi ha Levysi dhodho dhiworth Yerusalem, dhe wovynn orto, ‘Piw osta?’

Yowann 7:11

Ytho an Yedhewon a'n hwilas y'n goel hag a leveris, ‘Ple'ma'n den na?’

Yowann 7:13

Byttegyns ny gewsi denvyth yn apert yn y gever, rag own a'n Yedhewon.

Yowann 7:46

An wesyon a worthybis, ‘Ny wrug denvyth bythkweth kewsel yndella, dell wra an den ma.’

Oberow 26:24

Hag ev ow kul y dhefens y'n for' ma, Festus a leveris, ughel y lev, ‘Mes a'th rewl osta, Powl; yma meur a lyenn orth dha dreylya gorboellek.’

Oberow 4:13

Pan welsons kolonnekter Peder ha Yowann, ha konvedhes aga bos tus dhidhysk ha leg, yth esa marth dhedha, hag i a aswonnis y fiens gans Yesu,

1 Samuel 10:11

Ytho, pan y'n gwelas oll an re a'n aswonni kyns, hag ev ow profoesa gans an brofoesi, yn-medh an bobel an eyl dh'y gila, ‘Pandr'yw hemma, a hwarva dhe vab Kish? Usi Sowl ynwedh yn mysk an brofoesi?’