Yowann 6:40 - An Bibel Kernewek 20234 (Kernewek Kemmyn)

⁴⁰ Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

Yowann 6:40 Iomraidhean Croise

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Ysay 53:2

Rag ev a devis a-ragdho avel losowenn yowynk, hag avel gwreydhenn yn-mes a dir sygh; ny'n jevo na furv na reowta, rag may firren orto, na travyth yn y semlans, rag ma'gan bo hwans anodho.

Niverow 21:9

Ytho Moyses a wrug sarf a vrons, ha'y gorra war beul; ha mar prattha sarf den vytholl, ev a virsa orth an sarf vrons ha bewa.

Matthew 10:15

Yn hwir y lavarav dhywgh, esya vydh hi dhe bow Sodom ha Gomorra dydh breus ages dhe'n sita na.

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Mark 16:16

Piwpynag a grysso hag a vo besydhys a vydh selwys, mes neb na vynno krysi a vydh dampnys.

Luk 2:30

rag ow dewlagas re welas dha selwyans,

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 10:28

Ha my a re dhedha bewnans heb diwedh, ha ny wrons i mos dhe goll bynitha, ha denvyth ny wra aga hemmeres yn-mes a'm dorn.

Yowann 11:24

Yn-medh Martha dhodho, ‘My a woer, ev dhe sevel arta y'n dasserghyans, dydh fin.’

Yowann 11:25

Yn-medh Yesu dhedhi, ‘My yw an dasserghyans ha'n bewnans; neb a grys ynnov vy, hwath kyn farwo, ev a vew;

Yowann 12:45

hag ev neb a'm gwel vy a'n gwel ev neb a'm dannvonas.

Yowann 12:50

Ha my a woer y worhemmynn dhe vos bewnans heb diwedh. Pup-tra a gowsav ytho, kepar dell leveris an Tas dhymm, yndella y kowsav.’

Yowann 14:17

an Spyrys a wiryonedh, neb na yll an bys y dhegemmeres, rag ny'n gwel na ny'n aswonn. Mes hwi a'n aswonn, rag ev a drig genowgh hag ev a vydh ynnowgh.

Yowann 14:19

Hwath pols byghan ha'n bys ny'm gwel namoy; mes hwi a'm gwel, rag my a vew, ha hwi ynwedh a vew.

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 3:36

Ev neb a grys y'n Mab a'n jeves bewnans heb diwedh, ha neb na grys y'n Mab ny welvydh bewnans; mes sorr Duw a drig warnodho.

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 5:24

Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Yowann 6:39

Ha hemm yw bolonjedh neb a'm dannvonas, ma na wrylliv kelli travyth a bup-tra re ros ev dhymm, mes y dhrehevel yn-bann dydh fin.

Yowann 6:44

Ny yll denvyth dos dhymmo vy marnas an Tas neb a'm dannvonas a'n tenn; ha my a'n drehav dydh fin.

Yowann 6:54

Piwpynag a dheppro ow hig hag eva ow goes a'n jeves bewnans heb diwedh, ha my a'n drehav dydh fin.

Yowann 8:56

Abraham agas tas a lowenhas dhe weles ow dydh; ev a'n gwelas, ha lowen veu.’

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Ebrowyon 11:1

Lemmyn fydh yw fydhyans y'n traow gwaytys, prov a daklow na welir.

Ebrowyon 11:27

Dre fydh ev a asas Ejyp, heb perthi own a sorr an myghtern; rag y parghas, kepar dell ve ow kweles neb yw diwel.

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,

1 Yowann 2:25

Ha hemm yw an ambos re ambosas dhyn, bewnans heb diwedh.

Lyther Yud 1:21

omwithewgh yn kerensa Duw, ow kwaytya tregeredh agan Arloedh Yesu Krist bys yn bewnans heb diwedh.