Yowann 6:12 - An Bibel Kernewek 20234 (Kernewek Kemmyn)

¹² Pan vons lenwys, ev a leveris dh'y dhyskyblon, ‘Kuntellewgh an brewyon yw gesys, rag na vo kellys travyth.’

Yowann 6:12 Iomraidhean Croise

Nehemia 8:10

Yn eur na ev a leveris dhedha, ‘Kewgh, dybrewgh an blonek, hag evewgh an gwin hweg ha dannvenewgh rannow dhodho ev na'n jeves travyth parys ragdho. Sans yw an jydh ma dh'agan Arloedh: na bedhewgh grevys, rag lowena an Arloedh yw agas nerth.’

Nehemia 9:25

I a gemmeras sitys kerys ha tir feyth hag i a eritas chiow leun a bup-tra da, puthow pelys, gwinlannow, hag olewbrennyer, ha gwydh froeth pals. Ytho i a dhybris, hag a veu lenwys, hag a dheuth ha bos tew hag i a lowenhas y'th tader bras.

Lavarow Koth 18:9

Neb yw lows yn y ober yw broder dhe neb a dhistru.

Luk 1:53

Ev re lenwis an re nownek a bythow da, ha'n dus rych ev re dhannvonas dhe-ves gwag.

Luk 15:13

Ha nebes dydhyow a-wosa, an mab yowynka a guntellas pup-tra war-barth ha mos yn hyns bys yn bro bell, hag ena ev a skoellyas y substans, ow pewa lows.

Luk 16:1

Hag ev a leveris ynwedh dh'y dhyskyblon, ‘Yth esa dhe dhen rych rennyas, neb a veu kuhudhys orto a skoellya y bythow.

Luk 9:17

Ha pubonan a dhybris hag a veu lenwys; hag a'n brewyon gesys dhedha, dewdhek kanstellas a veu kuntellys.

Yowann 2:2

ha Yesu ha'y dhyskyblon a veu gelwys dhe'n demmedhyans.