Yowann 6:11 - An Bibel Kernewek 20234 (Kernewek Kemmyn)

¹¹ Ytho Yesu a gemmeras an torthow ha wosa ri grasow ev a ros dhe'n re esedhys, hag y'n keth vaner a'n puskes, kemmys dell vynnsons.

Yowann 6:11 Iomraidhean Croise

Matthew 15:36

ha wosa ev dhe gemmeres an seyth torth ha'n puskes, ev a ros gras ha'ga therri, ha'ga ri dhe'n dhyskyblon, ha'n dhyskyblon dhe'n routhow.

Luk 24:30

Hag y hwarva, pan o ev esedhys gansa orth an voes, y kemmeras bara, ha benniga, ha terri, ha ri dhedha.

Yowann 21:10

Yn-medh Yesu dhedha, ‘Drewgh re a'n puskes a gevsowgh nammnygen.’

Yowann 21:13

Yesu a dheuth ha kemmeres an bara ha'y ri dhedha, hag y'n keth vaner an pysk.

Yowann 21:9

Kettell dirsons dhe'n lann, i a welas ena tan glowbrenn, ha pysk warnodho, ha bara.

Yowann 6:23

Mes gorholyon erell a dheuth dhiworth Tiberias, ogas dhe'n tyller may tyb'sens an bara, wosa an Arloedh dhe ri grasow.

Yowann 6:9

‘Yma maw omma, ha dhodho pymp torth-vara heydh ha dew bysk vyghan; mes pyth yw henna rag kemmys tus?’

Oberow 27:35

Pan lavarsa an taklow ma, ev a gemmeras bara, a ros grasow dhe Dhuw a-ragdha oll, a'n torras hag a dhallathas dybri.

Romanyon 14:6

Neb a syns dy'goel, dhe'n Arloedh y'n syns, ha neb a dheber, dhe'n Arloedh y teber rag yth aswonn gras dhe'n Arloedh; ha neb na dheber, ny dheber ev dhe'n Arloedh hag ev a aswonn gras dhe Dhuw.

1 Korinthianys 10:31

Ytho, po dybri po eva a wrewgh, po pypynag a wrewgh, pup-tra dhe wordhyans Duw gwrewgh.

1 Thessalonianys 5:18

Yn pup-tra, rewgh grasyans, rag hemm yw bolonjedh Duw ragowgh yn Krist Yesu.

1 Samuel 9:13

Kettell dhewgh a-bervedh y'n sita, hwi a'n kyv, kyns ev dhe vones yn-bann dhe'n tyller ughel dhe dhybri. Rag ny vynn an bobel dybri erna dheffo, drefenn ev dhe venniga an sakrifis; ha wosa henna an re neb yw gelwys a dheber. Ha lemmyn kewgh yn-bann, rag a-dro dhe'n termyn ma hwi a'n kyv.’