Yowann 5:36 - An Bibel Kernewek 20234 (Kernewek Kemmyn)

³⁶ Mes yma dhymm dustuni brassa es dell esa dhe Yowann; rag an oberow a ros dhymm an Tas dhe gowlwul, an oberow na a wrav, i a dheg dustuni ahanav, an Tas dhe'm dannvon.

Yowann 5:36 Iomraidhean Croise

Matthew 11:4

Ha Yesu a worthybis ha leverel dhedha, ‘Ewgh dhe dherivas dhe Yowann an taklow a glewowgh hag a welowgh;

Luk 2:49

Hag ev a leveris dhedha, ‘Prag y'm hwilewgh? A ny wodhvewgh bos res my dhe vos yn chi ow Thas?’

Yowann 10:25

Yesu a worthybis dhedha, ‘My a leveris dhywgh, ha ny wrussowgh hwi krysi. An oberow a wrav yn hanow ow Thas, i a dheg dustuni ahanav;

Yowann 11:37

Mes re anedha a leveris, ‘A ny allsa an den ma, neb a igoras dewlagas an den dall, gul neppyth ma na wrella an den ma merwel?’

Yowann 15:24

Mar ny wrellen vy yn aga mysk an oberow na wrug denvyth arall, ny viens kablus a begh; mes lemmyn i re welas ha'm kasa vy ha'm Tas.

Yowann 17:4

My re'th glorifiis war an norvys, ow kowlwul an ober a resys dhymm dhe wul.

Yowann 2:23

Ytho pan esa ev yn Yerusalem y'n pask, y'n goel, lies a grysis yn y hanow ev, pan welsons an toknys a wrug.

Yowann 3:17

‘Rag ny dhannvonas Duw y Vab a-bervedh y'n bys rag breusi an bys, mes may fe an bys selwys dredho.

Yowann 3:2

ev a dheuth dhodho yn nos ha leverel dhodho, ‘Rabbi, ni a woer ty dhe vos dyskador devedhys dhiworth Duw; rag ny yll denvyth gul an toknys ma a wredh tejy marnas Duw a vo ganso.’

Yowann 4:34

Yn-medh Yesu dhedha, ‘Ow boes vy yw, my dhe wul bolonjedh neb a'm dannvonas ha dhe gowlwul y ober ev.

Yowann 5:32

Yma nebonan arall neb a dheg dustuni ahanav, ha my a woer an dustuni a wra ev y dhoen ahanav dhe vos gwir.

Oberow 2:22

‘Gwer Ysrael, klewewgh an geryow ma: Yesu a Nazareth, gour kommendys dhywgh gans Duw, gans oberow galloesek ha marthusyon hag toknys hag a wrug Duw dredho yn agas mysk, dell wodhowgh hwi agas honan,

1 Yowann 5:9

Mar kevyn an dustuni a dus, dustuni Duw yw brassa: rag hemm yw dustuni Duw a dustunias a-dro dh'y Vab.