Yowann 5:35 - An Bibel Kernewek 20234 (Kernewek Kemmyn)

³⁵ Ev a veu lugarn ow leski hag ow splanna, ha hwi a vynnas bos pur lowen pols yn y wolow.

Yowann 5:35 Iomraidhean Croise

2 Samuel 21:17

Mes Abishay mab Seruya a'n gweresas ha gweskel an Filistyas ha'y ladha. Ena gwer Davydh a dos dhodho ha leverel, ‘Ny wre'ta mos yn-mes yn batel genen arta, ma na vydh lugarn Ysrael difeudhys.’

Eksodus 34:35

Mebyon Ysrael a welas fas Moyses, bos kroghen fas Moyses ow splanna; ha Moyses a wiskas an gudhlenn arta war y vejeth, bys pan dheuth a-ji dhe gewsel ganso.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Daniel 12:3

Ha'n re fur a wra splanna avel golowyjyon an fyrmament; ha'n re a dreyl lies dhe wiryonedh a vydh avel an ster bys vykken ha bynnari.

Matthew 11:11

Yn hwir y lavarav dhywgh: yn mysk an re genys a venynes ny sevis nagonan brassa ages Yowann Besydhyer; byttegyns an lyha yn gwlaskor nev yw brassa agesso ev.

Matthew 21:26

Ha mar leveryn, “A dus”, own a'gan beus a'n routh, rag pubonan a syns Yowann dhe vos profoes.’

Mark 1:5

Hag yth e yn-mes bys dhodho oll an pow a Yudi, hag oll tus Yerusalem, hag yth esens besydhys ganso y'n avon Yordan, ow yes aga feghosow.

Mark 6:20

rag Herod a'n jeva own a Yowann, ow kodhvos y vos gour ewn ha sans, hag ev a'n gwitha saw; ha pan y'n klewas yth o ankombrys bras, mes ev a'n goslowi yn lowen.

Luk 7:28

Rag my a lever dhywgh, yn mysk an re genys a venynes nyns eus nagonan brassa ages Yowann Besydhyer; mes neb yw lyha yn gwlaskor Duw yw brassa agesso ev.’

Yowann 6:66

Alena rag lies a'y dhyskyblon eth war-dhelergh, ha ny gerdhens ganso namoy.

2 Peder 1:19

Ha ni a'gan beus an ger profoesek moy sur. Hwi a wra yn ta ow kul vri anodho, kepar ha lugarn ow kolowi yn tyller tewl erna dartho an jydh hag erna dhrehaffo Borlowenn yn agas kolonnow.