Yowann 5:24 - An Bibel Kernewek 20234 (Kernewek Kemmyn)

²⁴ Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

Yowann 5:24 Iomraidhean Croise

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Mark 16:16

Piwpynag a grysso hag a vo besydhys a vydh selwys, mes neb na vynno krysi a vydh dampnys.

Yowann 11:26

ha pubonan neb a vew hag a grys ynnov vy, ny verow bynitha. A grysydh hemma?’

Yowann 12:44

Yesu a grias ha leverel, ‘Neb a grys ynnov vy, ny grys ynnov vy mes ynno ev neb a'm dannvonas,

Yowann 20:31

Mes an re ma yw skrifys rag may kryssowgh Yesu dhe vos an Krist, Mab Duw, hag ow krysi may fo dhywgh bewnans yn y hanow ev.

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Yowann 3:18

Nyns yw breusys neb a grys ynno ev; mes neb na grys yw breusys seulabrys, rag ny grysis yn hanow an unn Vab dineythys a Dhuw.

Yowann 3:36

Ev neb a grys y'n Mab a'n jeves bewnans heb diwedh, ha neb na grys y'n Mab ny welvydh bewnans; mes sorr Duw a drig warnodho.

Yowann 4:36

An myser a gyv y arveth, hag a guntell frut rag bewnans heb diwedh, rag may lowenhaho war-barth an haser ha'n myser.

Yowann 6:40

Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

Yowann 6:47

Yn hwir, yn hwir y lavarav dhywgh, neb a grys a'n jeves bewnans heb diwedh.

Yowann 6:50

Hemm yw an bara a dheu yn-nans dhiworth nev, rag may teppro den anodho, ha na varwo.

Yowann 6:51

My yw an bara bew a dheuth yn-nans dhiworth nev; mar teber den a'n bara ma, ev a vew bynitha; ha'n bara a rov yw ow hig, rag bewnans an bys.’

Yowann 6:58

Hemm yw an bara a dheuth yn-nans dhiworth nev. Nyns yw kepar ha pan dhybri an tasow, hag i a verwis; neb a dheber an bara ma a vew bynitha.’

Yowann 8:51

Yn hwir, yn hwir y lavarav dhywgh, piwpynag a wittho ow ger, ny welvydh mernans bynitha.’

Romanyon 8:1

Lemmyn nyns eus dampnya rag an re usi yn Krist Yesu.

1 Thessalonianys 5:9

Rag ny wrug Duw agan destna dhe sorr mes dhe gavoes selwyans der agan Arloedh Yesu Krist,

1 Peder 1:21

neb a grys dredho yn Duw a wrug y dhrehevel dhiworth an re varow ha ri splannder dhodho, mayth usi agas fydh ha'gas govenek yn Duw.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.

1 Yowann 3:14

Ni a woer ni dhe dremena a'n mernans dhe'n bewnans, drefenn ni dhe gara an vreder. Neb na gar y vroder, a drig yn mernans.

1 Yowann 5:1

Pub huni a grys Yesu dhe vos an Krist yw genys a Dhuw; ha pub huni a gar dineythor a gar ynwedh an flogh dineythys ganso.