Yowann 5:19 - An Bibel Kernewek 20234 (Kernewek Kemmyn)

¹⁹ Ena Yesu a worthybis ha leverel dhedha, ‘Yn hwir, yn hwir y lavarav dhywgh, ny yll an Mab gul travyth y honan, marnas an pyth a wel ev an Tas dhe wul; rag pypynag a wra ev, an Mab ynwedh a'n gwra.

Yowann 5:19 Iomraidhean Croise

Jenesis 1:1

Y'n dalleth Duw a formyas an nev ha'n nor.

Jenesis 1:26

Ena yn-medh Duw, ‘Gwren ni gul den yn agan imaj, yn agan hevelep ni, ha gwrens i rewlya war buskes an mor ha war ydhyn an ayr, war an chatel ha war oll an nor, ha war bub pryv ow kramya war an dor.’

Salmow 138:3

Y'n jydh may helwis vy ty a worthybis dhymm, hag ynkressya nerth y'm enev.

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Salmow 50:6

Ha'n nevow a dheriv y ewnder, rag Duw y honan yw Breusyas. Sela.

Eksodus 4:11

Ha'n Arloedh a leveris dhodho, ‘Piw a ordenas ganow dhe dhen po piw a ordenas an avlavar po an bodharek, po den a wel po den dall? A nyns yw my, an Arloedh?

Lavarow Koth 2:6

Rag an Arloedh a re furneth, a'y anow y teu godhvos ha konvedhes,

Ysay 44:24

Yndellma y lever an Arloedh, dha Dhasprenyas, neb a'th formyas y'n dorr: My yw an Arloedh, a wrug pup-tra, neb a ystynnas an nevow ow honan, hag a lesas an norvys ow honan;

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Matthew 26:39

Hag ow mones nebes yn-rag, ev a goedhas war y fas ha pysi ow leverel, ‘Ow Thas, mara kyll henna bos, tremenes an hanaf ma dhiworthiv; mes na vo henna herwydh ow bodh vy saw dha vodh tejy.’

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Yowann 10:18

Denvyth ny wra y gemmeres dhiworthiv, mes my a'n daskorr a'm bodh ow honan. Yma dhymm galloes dh'y dhaskorr, hag yma dhymm galloes dh'y gemmeres arta; my re dhegemmeras an arghadow ma dhiworth ow Thas.’

Yowann 12:49

Rag ny gewsis vy ahanav ow honan, mes an Tas a'm dannvonas, ev a ros dhymm gorhemmynn, pandra dhe leverel ha pandra dhe gewsel.

Yowann 12:50

Ha my a woer y worhemmynn dhe vos bewnans heb diwedh. Pup-tra a gowsav ytho, kepar dell leveris an Tas dhymm, yndella y kowsav.’

Yowann 14:10

A ny grysydh my dhe vos y'n Tas, ha'n Tas dhe vos ynnov vy? An geryow a gowsav dhywgh, ny's kowsav ahanav vy ow honan, mes an Tas neb a drig ynnov a wra y oberow.

Yowann 2:19

Yesu a worthybis ha leverel dhedha, ‘Diswrewgh an tempel ma, ha kyns penn trydydh my a'n drehav.’

Yowann 3:3

Yesu a worthybis ha leverel dhodho, ‘Yn hwir, yn hwir y lavarav dhis, marnas den a vo genys arta, ny yll gweles gwlaskor Duw.’

Yowann 5:21

Rag kepar dell wra an Tas drehevel an re varow ha ri dhedha bewnans, yndella ynwedh an Mab a re bewnans dhe biwpynag a vynno.

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Yowann 8:28

Ena Yesu a leveris dhedha, ‘Pan dhrehevowgh Mab an den, ena hwi a aswonn my dhe vos ev, ha na wrav vy travyth ahanav ow honan; saw kepar dell dhyskas dhymm ow Thas, henna a gowsav.

Yowann 9:4

Ni a res gul an oberow anodho ev neb a'm dannvonas hedre vo dydh; nos a dheu pan na yll denvyth oberi.

Oberow 2:24

Duw a'n drehevis, ow lowsya gloesow ankow, rag ny yllys ev dhe vos synsys ganso.

Romanyon 6:4

Ytho ynkleudhys ganso yth en dre vesydhya yn mernans, rag may hyllyn kerdhes ganso yn nowydhses a vewnans, par dell veu Krist drehevys a'n re varow dre wolewder an Tas.

Romanyon 8:11

Mars usi trigys ynnowgh y Spyrys ev, neb a dhrehevis Yesu a vernans, ev neb a dhrehevis Yesu a vernans a re bewnans dh'agas korf marwel ynwedh der y Spyrys usi trigys ynnowgh.

1 Korinthianys 15:12

Lemmyn, mars yw Krist pregewthys avel onan re beu drehevys dhiworth an re varow, fatell yll rann ahanowgh leverel nag eus dasserghyans a'n re varow?

2 Korinthianys 4:14

ow kodhvos hemma: ev neb a dhrehevis an Arloedh Yesu a wra agan drehevel ni ynwedh gans Yesu, hag ev a wra agan dri a-ragdho, genowgh hwi.

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

Efesianys 2:5

hwath pan en ni marow yn drogoberow, a wrug dhyn bewa war-barth gans Krist (hwi re beu selwys dre ras),

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Filippianys 3:21

neb a wra treylya agan korf uvel dhe gorf kehaval dhe'n korf a'y splannder, der oberyans y alloes dhe worra pup-tra yn-danno ev.

Filippianys 4:13

My a yll gul pup-tra dredho ev neb a re dhymm nerth.

Kolossianys 1:11

nerthys gans pub galloes war-lergh krevder y splannder dhe bub perthyans ha godhevyans; gans lowena

Kolossianys 1:16

rag ynno ev y feu pup-tra gwrys y'n nevow ha war an nor, hewel ha diwel, tronys, dominasyons, prynsipatys po potestatys; pup-tra a veu gwrys dredho ev ha ragdho ev.

1 Thessalonianys 4:14

Rag mar krysyn Yesu dhe verwel ha dasserghi, yndella ynwedh, dre Yesu, Duw a dhre ganso an re re goskas.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.